#بقايا_رماد
#جميلة_جاسم
ياماصار...
ويا ما حكينا لبعضـنا الأسرار.... عشرة اسنيين أطوال موش نـهار.... بذلتها بفراق من عـاشرت.....
عمرك معايا قبل مـا تحتار واليوم مانعرفش كيف أخترت ...عاش الغلاء بيناتنا بأقـــدار ومات الغلاء عندك وما خبـرت ...
كميته اسرار وبحت بيه جهار أمنت وانت الحب بيه كفرت ......
يا ميـم عيني يا زهاء الانظار مشتاقلك وانت على صـبرت وما عاد جتني من قداك اخــبار وانت بعيد الدار وسـافرت ....
عشقتك عزفتك لحن عل لوتار احساس بيك عكس الناس بيه شعرت......
تمنيتك معايا في اول المشـوار لا أخترت غيري لا ســواك اخترت.....
ربيعة ...من بعد ما طلع عماد ساافر حسيت جزء من قلبي ماات حسيت وكأني عمري كاامل لا حبيت ولا انحبيت جزء مني انطفأ....
انلووم في روحي اكثر وهو مقدرتش نكرها ولا قدرت نقول سيبني ومشي قعد عندي امل انه فيه خيط رجعه بينه في خيز وملح بين
نقوول اني مستحيل نتزوج غير عماد ولو ضاعو من عمري سنين وسنين
كنت نقول الغلط مني اني مفروض منسلمش قلبي لأي شخص ...ولا نعطي قلبي لاي حد ولا نعشم حياتي بحب رغم انه بوي صااعب وكان مانع علينا هلبا حاجات ...
لما كانت الناس عندها تليفونات احني لا....
لما الناس عندها تلفزيونات احني لا....
حتي المسجل الي هو مسجل ممنوع ... رغم الازدهار الي عاشاته ليبيا في سنة 90 وفوق الا انه احني لااا اكتفينا اكتفااء داتي بطبيعه بوي بس وتربيتا لينا ...
يومين قعدت خايفة نفتح الكيسة الي جابتها خالتي منه والفضول مدايرني ....
تالت يوم حسيت قلبي يبي ريحة عماد ....نبي نشوف شن دااير....
درت الغدي تغدينا ...وبوي يشبحلي وخاطره مكسوور من عماد ...
سالم حسيته اكثر مني فقد عماد ...كل يوم مقعمز جنب التليفون يستنى امتي عماد ايكلم ...ولا مرات نشبح السيارة مهناش نسأل يقولي كنت عند خالتي فجر نسأل فيها علي عماد ...وصل ولالا ...
خديت جليلة درتلها حمام وحطيت حوايجها في الغساله يغسلو ...
وطلعت من الحمام وهيا نفس الحال نديرلها حمام من اهني تطلع تلعب في الشارع تروح في الليل كلها تراب ..
وتقولي عاااادي تو انفض روحي نولي حلوة نقعد نضحك علي براءتها ...
خشيت لداار وقلبي يضرب في الالف ....نبي نفتح الكيس ...مدبس بدباسة قريب عشرين طبقة.
انحي بالوحدة ونمسح في دموعي....
فتحت لقيت مدكرة ومعاها زوز اشرطة خليت المدكرة ومشيت لشاريط ابيض ..لقيته شاريط
عبد المجيد عبد الله ..مكتوب عليه يا طيب القلب وينك...1997
بكييت نسمع بيه الفنان ونشبح فيه في القنوات ونتمني عندي شاريطه ... حتي وهو مسافرة حس بيا......
شفت التاني لقيته لكاظم الساهر...
أنت تقرأ
بقايا رماد
ChickLitبين احدات تمضي واخرى تعاد ...بين جيل راحل وجيل يأتي ....ناري تصبح رمااد وجمري يصبح هبااااء منثور ...واعيش بين رماد السنين وناار الالم.... قصة جديدة بعنوان بقايا رماد 1997 بقلمي انا الكاتبة جميلة جاسم
