بقايا رماد

بارت 33

#بقايا_رماد_الجزء_الثاني

#جميلة_جاسم

قبل كل شي شكرا للكل من سأل عليا شكرا حبايبي من كل قلبي ...
ماتستعجلو وتعجلوني معاكم ونضلمها نفس رواية ماخلف الوهم في الاحدات ...
الرواية قعدلها شوية وتنتهي ...يعني مستحيل نخليها من غير نهاية حتي الحياة بروحها بتنتهي مش غير رواية لذلك شوية صبر بس ...وباذن الله الرواية بتقعد علي منصتي طول العمر...

  اني سبق وان قلتلكم انه اني مريضة جدا وكورونا ونشرت علي منصتي اخباري
...لو متابعيني كنتو عرفتو وكنتو حتي قدرتو وضعي الصحي والنفسي ...
هذا حسابي jamelajasem
اضغطو عليه يرفعكم لصفحتي ..ديرو متابعه ويوصلوكم تنبيهات منشوراتي في حالة حتي قتلكم كيف حالكم بيوصلكم كل شي ....

شكرا وعفوا ..

اليوم بااارت فيه حدت مفاااجئ حيقلب موازين الرواية رأسا علي عقب ....

استمتعو ومتعوني بتعليقااتكم الجميلة

..................

جليلة... شفت لربيعة وقتلها زعما شهاب هو الي خطفه ربيعة

ربيعة....حييي اعلينا انفتحت حرب بارقة علينا من جديد كيف سكتو والمحكمة بطلقك شن دار شهاب بس ..

تعالي خشي ...خشينا داخل ... وقعدنا خايفين ومترقبين ليلتها مش عارفة كيف حتي جانا النوم ورقدنا
ويوم يرفع في يوم ...
عمتي انتصار ومختار مبطلوش ايجو عندنا كل يوم دايرين عركة عمي حسين ...

طايح في المستشفى راكبله الضغط ومحملينا المسؤولية...

واحني لا طلعنا لا تحركنا لا مشينا للاستراحه ...الي قال عليها شهاب ...

يوم من الايام ربيعه مقعمزة تحسب في عدتها قعدلها سبوع وتنحيها ...

قتلي

ربيعة....جليلة....مدامه عمامك  مش خاطيينه ودرنا العار قدام الجيران كل يوم هاجمين علينا  نمشو للاستراحة الي قال عليها شهاب احني وبوي ...واني خلاص نهاية الاسبوع بنقلع العدة ونمشو منها معش يعرفو احني وين ومنها نريحو بوي والصغار من الرعايش

جليلة....ودراه الكبد عماد كان جي شن بنقولوله

ربيعه....ونبي دوريلي فييه احني ماشيين وماليشي علاقة امس جاي يبي يتأمر علينا خيرا مش دايرة في سميرة الي بسيارتها من مكان لمكان

جليلة ..وخالي محمد  حناي نقلولهم

ربيعة....حناي بتطلع لتونس عندها مراجعه وخالي ماشي بيها يعني ...بعيدة عليهم يعرفو....
ومش لازم يعرفو ....

جليلة....خلاص غير نحي العدة ونمشو...زعما بعيدة وله قريبة الاستراحه

ربيعه....اهو عنوانها مش مقطوعه هلبة لاكن باهي مكانها زمان ماشية اني جيهة اديكا