بقايا رماد

البارت 21

#بقايا_رماد_الجزء_الثاني

#جميلة_جاسم

لماذا دائما نلقي اللوم علي من حولنا
لماذا لاننظر علي مابداخل قلوبنا من مشاعر
ونطلع علي ماتحتويه عقولنا من افكار
لعل الخطأ يبدأ من انفسنا
اليست النفس امارة بالسوء
حاول قبل ان تحكم علي هذا وذاك
ان تنظف ضميرك من شوائبه
حاول ان تطهر روحك اولا من اثامها
قبل ان تلقي بجمراتها علي من حولك ....

جليلة.... سكرت من ربيعه وامحس امية باردة نزلت علي قلبي ...

التفتت لقيت حناي تشبحلي وكانها فهمت نص الكلام
قتلها مرت سالم جابت ولد في المستشفى ..

وفرشت اني وياها ورقدت ولا كانه حاجه صاايرة خلي صياعتها تنفعها مخلية سالم بكبره وتشبح لولد عييل حتي رجوله ماعنده ...
الي الصبح....واني فكرة ترفعني وفكرة تردني 

نضت درت الفطور  وقعمزت مع حناي وتاكل قتلي ....

حناي فاطمه .. بنيتي توا امشي اقعدي عندها المراء تبي رعاية اني اهو مرت محمد جنبي وكويسة وحتي الحسن والحسين يديرو في الحاجه...

جليلة ..ان شالله توا بنشوف خالي ايوصلني للحوش ...خلي نلمد حوايجي... ردت عليا وتشبحلي

حناي فاطمه.... امالا وين سالم

جليلة ..حناي معاها في المستشفى شن بيخلي مرته توا نشوفه ولا بالك حتي حسن ايوصلني مش عنده السيارة

حناي فاطمه....لا بنيتي خالك مايبيش ايسوق  ...

جليلة...باهي حناي تبي حاجه قبل لا نمشي ولا لا

حناي فاطمه....خودي راحتك وكان حسيت روحي باهية وقدرت نطلع تو انجي نشوفها في حوشكم بنيتي سلميلي علي سلوومه وقوليلا ان شالله وليدك من قسمك ويكبر وتلقااه في عازتك ...

جليلة...ان شالله حنااي...يووصل....كملت ترتيب حوايجي ركبت بسرعه لخالي قتله علي كل شي ...

وسالم في التوقيف وقعد يعارك كيف منقولش بكري...

اسمع خالي حناي مقتلهاش متجيبوش سيرة ...

طلعت ركبت اني وياه في السيارة...مستاحشة بوي ...والحوش ...خشيت للحوش  حطني خالي ومشي للمركز الشرطه يبي يشووف سالم ...

واني هيا فتحة في الباب هيا فزة من عمتي انتصااار

وشدتني مع وشااحي وتعض وتضرب وجداي اتشجع فيها...

دفيتها طااحت علي الحييط...عدلت شعري ونحيت الوشااح لوحته في نص الصالة والصاكو طاايح ....
وجداي تعض في صبعها وتتحلف ....

جليلة....قسمااااا بربي تمدي ايدك مرة تانية نكسرها ونعلقها في رقبتك .. تسحابي اني سالم ولا ربيعه نديلك قدر
بححححح نقطة وحدة من القدر انتي والي ورااك عندي لييكم ..بححح مافييش احتررام ..