بقايا رماد

بارت 38

#بقايا_رماد_الجزء_الثاني

#جميلة_جاسم

علّمني حبك أن أحزن وأنا محتاج منذ عصور لامرأة تجعلني أحزن....
لامرأة أبكي فوق ذراعيها مثل العصفور....
لأمرأة تجمع أجزائي كشظايا البلور المكسور ...
علمني حبك سيدتي أسوء عادات...
علمني أفتح فنجاني في الليلة الآف المرات واجرب طب العطارين وأطرق بابا العرافات ....
علمني أخرج من بيتي لأمشط أرصفة الطرقات و أطارد وجهك في الأمطار وفي أضواء السيارات

..كاضم الساهر ..

ربيعة...عيون خالتي وحناي يترجو فيا نوافق

شعور غريب حسيته...رف قلبي عليه ..
رف قلبي علي غرامي مع عماد...ايام عزي وزهاي ...نكذب لو نقول منحبش عماد....مستحيل ينمحي الحب الاول من ذاكرة كل شخص...
وكلامي يعرفوه الناس الي حبت وانخدلت....يقعد القلب معلق مع الشخص نفسه حتي لو تزوج هوا ولا انتي ..

في اقل من ثانية رجعت بيا الداكرة لايام حبنا...
رجعت بيا الذاكرة لسنة 98 ...
اكثر سنة حسيت فيها بالحب مع عماد هو شاب واني مراهقة.... اما توا اني ..ام لزوز صغار ...
اني شخصية غير شخصية ربيعة زماان..
من الصعب نقدر ناخد قرار من غير ما نستشير روحي ..من غير ما ناخد راي صغااري...سند مش صغيير ..
سند كبير ويفهم ويعرف كل شي ومتعلق بووه هلبة..يكلم فييه يوميا..
كيف بيقدر ..يتعود علي عماد...
جليلة بتتزوج اليوم ولا غدوة...وسالم بيستقر مع سعاد في شقته الجديدة.. بوي منو معاه ... كيف بيعيش...وعند منو...

الف فكرة وفكرة جت في بالي....اخر شي قلت لخالتي...

...خالتي اني لا كره فييك ولا في عماد...عماد اول شخص حبيته وتعلقت بييه...وانتو تعرفو الشي هذا ..ومن لما كنا صغار تقولو ربيعة لعماد...
لاكن ربي قدر شي تاني..والنصيب غلب..
اني توا. كبييرة في العمر وفي العقل ..وقريت وتعلمت...وفي هلبة حاجات تغيرت في شخصيتي...
لو نقولك موافقة توا...
بنكون جاهلة والي قريته وتعلمته وعلمتهولي الحياة والمواقف مشي في البحر...
ولو بنقول لا مش موافقة نفس الشي

عطيني وقت نرتب فيه اموري ودماغي وناخد قراري..مع انه عماد يعتبر عزابي ...ولو تزوج ومرته ولده توفو لاكن في سجلنا اهني اعزب...
ويستاهل بنت احسن مني ...واول تجربة لييه تكون مع بنت صبية...
مش بنقص من روحي ولا من قيمتي...انه اني مطلقة ولا شي..
لاكن اني ام....والام بعد العيل الثاني..تحس روحها كبرت لو كانت بنت 18 ...هذا شعور الامومه يكبرك هكي...

لذلك ..تو في خلال اسبوع انرد علييك....وتقبلو ردي ياخالتي كيف مايكوون...
لانه الاهم في حياتي بنختااره....زمان خترت عقلي وسيبت قلبي...
مرات نستمر هكي ومرات نختار قلبي ..ربي يسخر الحال ..

خالتي فجر....ربي يسخر الحال بنتي...لا نلومك لاشي..هذي حياتك...اني ولدي كون روحه وخدي حووش برووحه ..والدنيا انفتحت والحمد لله البلاد تعدل وضعها ..السنة هذي الحمد لله حصل خدمة كويسة ..ونبي نشوف صغيويرته ..شاب وتعذب ..بلا وقت...