#بقايا_رماد_الجزء_الثاني
#جميلة_جاسم
عوف معاتبك ياصاح...
لاتعتب بعد عالرااح ...
مرات المطر لو زاد ...
يكسر واهس الفلاح ....
__________
جليلة.....نضحك من قلبي منعرفش تربيت علي الغل والحقد والحسد
مقدرتش انشد فرحتي ...نمشي ونضحك ونعلق بصوت عالي
حيييي حييي قداش بنتشمت فيييهم ....ياااناري امهم انجلطت اتجرب عجز ولدها الي ضحكت عليييه.....سحييقة المللح ان شاءالله كللهم ياااربي...
اشيي اشييه عليك منضر ربوعه اشبحي .واني ماشية هكي ولابسة ونضحك
ونشبحلهم متغششين
واني نضحك علييهم ونبرد ... تيي محلاااني وخلاص الا منديرها ...
ونمشي لعزوزتي نواسيها في ولدها المضروب ياناري
اااه انبرد شوية كبدي طاابت منهم
ربيعه.... جليلة اتخوووفي رااهو....من وين الحقد والحسد هذا شن تفرقي عليهم انتي لما تشمتو فينا...
بديري زيهم
شن تفرقي علي انتصار وبنتها وجداك ...
عيب هذا مرض وداء وبلاء...صح احني ما شبحنا منها خير.. لاكن تقعد جداك وعيب الي ديري فيه كبيرة وعاقلة انتي مش لازم نوريك...ومافيش مشي ...
تقعمزي وتسكتي هما لا جو لا عبرونا احني نديرو زيهم نخطوهم جاانب....وسيرة الشماته نحيها من بااالك الصغار تشبح فيك وتتعلم
جليلة.....ونبيييي ربيعه اطلعي من راسي.....تيي احني في لبلي من 97 من لما جيييت وهيااا واقفة في حلوقنا زي شوووكة الحوووتة....18 سنة من عمري عشناهم في الفقر والشمايت ....
ولقب بناويت ذهيبة الدايحه ايلاحق فينا لا خلونا حوش ولا فلوس ولا رزق ولا صحه
وانتي حطمولك حياتك ..
واهي حياتي تشبحي فيها مقرية فاتحتي علي حيوان حشا السامعين ميسواشي ...
وانتي من غير فضايح وسام وعارة الي دايرة...
ولعلمك حتي هوا قالك...
عقاب دايحة بنت دااااايحة متلزمنيش وطلقك وبححح مشي....
من سببه هذا...اني ولا انتي بووك لما طاح من عبره ولا دوره انيي انحي من تحته وامه واخته تبرو منه
اي ونسييت...حال ساالم ....منو ورااه مش جداك....مريض نفسي اربع سنوات....لايعرف اخته لا خوه ولا يعرف حتي ولده
ساالم الي ماتضحك ورااه سنون شوفي حااله
من امس الي اليوم
وقعدة تقوليلي هاذي جداااك
ان شااااءالله ناااارهم تاكل حطبهم...واني بنمشي وبنتشمت...
مزااااج ...حرقولنا حياتنا وانتي تقولي عيييب ...
اني العييب توا بنديرا ...
مش ناسية الضرب
ولا ناسية الاهانات ولا نااسية لما شاديني من غير حجاب هيا واولادها وكل مرة خاطفيني في جيها...
انتي زوجوك لوسام الله واعلم من اي كناسة جابوه ..علي خاطر يبو يفشلووك ومتتزوجيش عماد
اني مش صغيرة ربيعه ولا منفهمش
اني من عمر 13 تحملت مسؤولية....
موت سالم في كفة واحزانا في كفة تانية
وقعدة تقولي جداااك
اني الجدة الي زي هذي نبيهااااش ولا نبي منها خيييير....
نبي نبرد كبدي بس....نبي نااار ورماد الي في قلبي يبرد....يطفى.
وتبي الحق ولاااه
أنت تقرأ
بقايا رماد
ChickLitبين احدات تمضي واخرى تعاد ...بين جيل راحل وجيل يأتي ....ناري تصبح رمااد وجمري يصبح هبااااء منثور ...واعيش بين رماد السنين وناار الالم.... قصة جديدة بعنوان بقايا رماد 1997 بقلمي انا الكاتبة جميلة جاسم
