بقايا رماد

البارت 2

#بقايا_رماد

#جميلة_جاسم

اللي قبل إيهاب خشوش بحرنا
اليوم صار إيزرد على شاطينا
واللي قبل يأكل من لذيذ تمرنا
اليوم قال في ريقه إمرار بقينا
واللي قبل في الميعاد مايقدرنا
اليوم شيخ خلاه الزمان علينا
واللي قبل مايقدر إيقص جررنا
اليوم على جرته قال النجاة القينا.

ربيعه..... ليل كامل واني وجليلة فايقين مقدرتش نرقد صعب انه نتحمل مسؤولية بروحي والبنت صغيرة ....

مرات نطلع من الدار البحرية ونمشي للكوجينه نبي حاجه نسمع هدرزة جداي وعماتي ننقهر علي وضعنا وعلي حالنا...وهما ايسبو في امي

اسبوع وبوي قعد ما روحش ولا ندرو اعلييه ....مشيت للكوجينه خديت امية شربتها وقمت معاي خبزة وجبنة جيعانه يوم كامل حوشنا مفضاش ..ولا لقيت كيف نطلع...

شفت السلوم يتحرك في الجنان والللوح يتحرك مسقفين بيه الجنان من حياة امي ....لبدت في جيها وقعدت نشبح لقيت سالم خوي نازل من علي الحيط انخلعت خيره ...

طلعت وقفت مخلوعه خيييرك سالم عقاب ليل نازل زي الي يخنبو مش فييه باب وكان تشبحك جداي فتحته تقتلك ...
اشرلي بايده بمعني اسسسسس

سالم....اسكتي معاي عماد ولد خالتي ديرلنا شااهي ولا حاجه ناكلوها...

ربيعه....قلبي انتفظ لما جااب سيرة عماد ......قتله بين خوف وربكة في صوتي ...بااهي خيره الباب وانتو فوق الحيط كيف ركبتو...

سالم....ماهو جدااي منعت عليا الحوش لانه بناويت عماتي داخل وخايفه عليهم مني

ربيعه....هيا قتلك هكي ...

سالم...مدوريهاش انتي توة ماعلييك الا اديري حاجه ناكلوها بس بس...

ربيعه...رقيت عيوني فوق لقيت عماد وااقف علي الديار ويشبحلي ...قاملي ايده خيرلي....واني ...رديت الخير وخشيت....

انجهز في صفرة لعماد وسالم....وشوية ونطلع من المطبخ ونشوف عماتي وجداي بيطلعو ولا لا ...

كملت الصفرة ..ومشيت قمت رشادة حدفتها مع الجنان قعد مفتوح نص مش كاامل علي السطوح طوول والصبح ايرجع فيه زي ما هوا ...شوية وجي سالم نزل خداه وركب وخايفه ايطيح وتنوض العيلة كلها....

كملت وخشيت لدار ..لقيت جليلة راقدة....

رقدت جنبها تاني يوم الصبح نضت علي صوت الدوشة وعرايك وكلام جداي واضح ومعاها ساالم...

طلعت مخلوعة..نجري ..لقيت اميمة فاطمة هيا وسالم وجداي تعاارك فيها...

مشيت نجري سلمت عليها وقفت جنبهم...

جداي بارقه...اني هذا الي عندي قلته بوكم وههج منكم ومن همكم ..واني باش نقعد اهني وتعايرني الناس علي رزق الحرام هذا منديراش....تبو تمشو معاي توة باهي ما تبووش اني نكلم الريس حسين يعرف كيف يتصرف...