بقايا رماد

البارت 5

#بقايا_رماد

#جميلة_جاسم

هللي جفاء خليه يوصل حده
واللي تفقده يجبر الله ابغيره
ومن جايك بالود قدر وده
واللي نساك مايلزمك تفكيره
راهي المحبه موش طولت مده
وأسباب الكريهه مالها تفسيره
ولامن ضحكلك من اصحاب اتعده
ولا كل كاتب يعجبك تسطيره
ياصاحبي ليام فيها حده
وياصاحبي هالناس فيهم غيره
اللي اتصيرلك لو اتطيح لا تجدا
وأذكر الله وقول فيها خيره
......

ربيعه....قربت من حناي وقعمزت وهيا بدت تبكي اول ما قالت بنحكيلك...
خفت تفسد امي في عيونيى...خفت تكون دايرة شي وجداي بارقة تكرها....

قتلها حناي اعلاش تبكي امي دايرة حاجه ولا خيرك

حناي فاطمة....امك مادارت شي غير انها تزوجت العيلة الغلط بس توة سالم يعرف القصة وجي عندي وحكيتلا ولازم انتي تعرفي...

وقبل لا نحكيلك ولا نقولك  ضروري تعرفي انه الحوش هذاه حوش امك قبل لا يكون حوش بوك... هذا رزق ذهيبة الله يرحمها والي صار كله من وراء جداكم ربي يسامحها ...

ربيعه ...باهي احكيلي حناي كل شي ....وبدت تحكي  في قصة امي وبوي وكيف تزوجو...

حناي فاطمه....زمان في عام 75 امك كانت بنت 15 زيك انتي بالزبط ...وقتها كنت فرحانه بيها بكريتي ونمشو اني ويااها نبيعو في الحارة في القمح ...بوي كان يزرع ويحصد وداير بير وخير من الله وخالتك فجر اصغر منها بشوي  ...

واني وجدك الله يرحمه عندي ذهيبة وخالك فضل وخالتك فجر بعد ذهيبة طول خالك توفي بالنمنم جاه وهو صغيير وتوفي اصغر من ذهيبة واني وقتها حامل بخالتك نعيمة الصغيرة ..  .... يوم من الايام ....

طالعين عند جدك سوق خضرة مشيت بناخد خضيرتي منه وامك معاي ...
وصلنا لقينا جدك مهناش ولا واحد قعد في السوق وصاير لفزع والناس فازعه قالو فيه عركه ...مشيت لبراكه جدك خديت منه خضرتي اني وذهيبة وكيف جينا بنروحو...لاقاني رااجل لاهو كبير ولا هو صغير متلتم وداير جرد علي راسه في عز الصيف ويجري وداهش  ...

والناس تجري وين فلان وين فلان وهو خش في براكة جدك وقعد ...واني وذهيبة خفنا علي رزق جدك يخنبه ولا ايديرلا شي  ...

خشينا في البراكة وصكرنا اعلييه ...
قعد واقف في الزاوية ولا ريت شبحه لا صيفته  نسأل فيييه خيرك يا وليدي ..خيرك منو بيك شن يبو منك ..

وهو يقول لبديني يا حاجه ولييك الي تبييه ...

اني خطفت ذهيبة وطلعت وسكرت عليه في براكة الحاج وروحت لحوشي...

جي الليل وروح جدك شااارق وجها متغير ...واني نبرم في ريحة كسكسي لرمضان....

قالي تعالي يا مراء نبيك ....

مشيت وعرفته علي الرااجل الي دخلته ...خشيت معاه ...
وبدي ينشد فيا وصلتي اليوم لسوق الخضرة ولا لا..واني قتله ايه ...