អាហារពេលល្ងាចដ៏រ៉ូមែនទិកដែរមើលទៅដូចជាគូរស្នេហ៍ត្រូវបានបញ្ចប់ទៅដោយរលូន ឡានទំនើបដែរបើកចេញទៅមិនបាន2ម៉ោងក៏ត្រឡប់លូនចូលមកជ្រកនៅកន្លែងចំណតឡានរបស់ខនដូរវិញ ទ្វារឡានបើកឡើងហើយជីនក៏ប្រញ៉ាប់ដើរវៀងចង្កូតមករកអ្នកម្ខាងទៀតដែរស្រវឹងស្រឿងៗដោយសារផឹកWine ជាមួយគេឡើងអស់មួយដប ទើបមុខមាត់ក្រហមដំណើរមិនសូវជាត្រង់ផ្លូវអីបែបនេះ។
«ដើរស្រួលបួលកុំប្រញ៉ាប់ពេក ក្រែងស្រវឹងផងឬ?»ជីនថាឡើងនៅពេលឃើញនាងដើរញាប់ឆ្មេញចូលទៅក្នុងជណ្ដើរយន្ដ ថ្នាក់គេតាមមិនចង់ទាន់។
«មិនបានស្រវឹងទេ ខ្ញុំនៅអាចដើរទៅដល់បន្ទប់នៅឡើយ»ស៊ូឈីនងាកមកតបនិងគេ ហើយក៏ដើរចូលមកក្នុងប្រអប់ជណ្ដើរយន្តមុននិងចុចជាន់ដែរត្រូវទៅនិងបន្ទប់របស់គេ។
«ខ្ញុំដឹងថាត្រឹមស្រាប៉ុន្មានកែវមិនធ្វើអោយនាងវង្វេនវង្វាន់ទេ តែក្រែងវាធ្វើទុក្ខនាងឬ?»ជីន
ទឹងងង!!
កំពុងនិយាយគ្នាសុខៗសម្លេងជណ្ដើរយន្ដក៏បើកឡើង នេះមិនមែនជាជាន់របស់បន្ទប់ពួកគេទេ តែព្រោះមានមនុស្សប្រុសប៉ុន្មានអ្នកជាអ្នកចុចចាំឡើងទៅជាន់ខាងលើជាមួយ ទើបត្រូវឈប់ទទួលមនុស្សបន្ថែមប៉ុន្មានអ្មកទៀត។
ខណៈជណ្ដើរយន្ដកំពុងឡើងពីមួយជាន់ទៅមួយជាន់ស៊ូឈីនក៏ឈររាងនៅឆ្ងាយពីគេណាស្លៀករ៉ូបខ្លីសំយ៉េះស្មារផង ធ្វើអោយប្រុសៗប៉ុន្មានអ្នកនោះសម្លឹងមើលនាងមិនដាក់ភ្នែក ក្រសែភ្នែកដូចពួកល្មោភកាមទើបរាងក្រាស់អត់មិនបាននិងទាញចង្កេះនាងអោយខិតចូលមកជិតក្បែរខ្លួន។
«លោកធ្វើអី?»សម្លេងសួររបស់នាងបន្លឺឡើងតិចៗក្បែរត្រចៀករបស់គេស្របនិងចង្វាក់បេះដូងដែរកំពុងលោតញាប់មិនដល់គ្នា កាលបើនៅសុខៗគេស្រាប់តែទាញចង្កេះនាងទៅឱប ធ្វើខ្លួនស្និតស្នាលដល់នេះ។
«នៅអោយស្ងៀមទៅ»ជីនឆ្លើយដោយមិនមើលមុខរបស់នាង ហើយទីបំផុតក៏ដល់ជាន់បន្ទប់របស់គេ។ទ្វារជណ្ដើរបើកឡើងហើយគេក៏នាំនាងដើរចេញទៅរកមុខបន្ទប់ សឹមលែងនាងអោយឈរស្រួលបួលវិញ។
YOU ARE READING
✨ម្ចាស់បេះដូង🤍/ រដូវកាលទី3
Fanficមិនអាចទេដែរថាមនុស្សពីរអ្នកនៅក្បែរគ្នា រាប់អានគ្នារាប់សិបឆ្នាំនិងមិនមានអារម្មណ៍អ្វីទៅលើគ្នានោះ ទោះម្ខាងនេះមិនមាន ក៏ម្ខាងនោះត្រូវតែមានដែរ✨ គេជាអ្នកផ្ដល់ក្ដីសង្ឃឹមអោយនាង ហើយក៏ជាអ្នកកាត់ផ្ដេចវាចេញដូចគ្នា ព្រោះដែរគេមានអោយនាងគឺមិត្តភាព មិនមែនក្ដីស្រឡាញ់!!!
