Unicode
" အငယ်ကောင် "
ကိုကြီးရဲ့ခေါ်သံကြောင့် ကဏ္ဏအိမ်ထဲကိုဝင်မည်ပြုရာကနေ အိမ်ရှေ့ကွပ်ပျစ်ပေါ်ကိုဝင်ထိုင်လိုက်ပြီး
" ဘာခိုင်းမလို့လဲကိုကြီး "
" ခိုင်းစရာတော့မရှိပါဘူး၊ ငါ့ကိုကျောင်းသားအသစ်တွေလာအပ်ထားလို့၊ အဲ့ဒါမင်းကိုလွှဲပေးမလို့၊ လုပ်မှာလား "
" ကျောင်းသားလား ကျောင်းသူလားကိုကြီး "
" ကျောင်းသူတွေချည်းပဲ နှစ်ယောက်၊ နှစ်ယောက်လုံးရက်ပီတာတွေ သင်မှာလား "
ကျောင်းသူဆိုသည့်စကားကြောင့် ကဏ္ဏခေါင်းကိုခါရမ်းလိုက်ကာ
" တော်ပြီကိုကြီး၊ ကျောင်းသူတွေဆိုရင်တော့ မသင်ချင်သေးဘူး။ ကျောင်းသားတွေလာအပ်မှ ကျွန်တော့်ကိုလွှဲပေးတော့နော် "
" ကျောင်းသူတွေလည်းဘာဖြစ်လဲသားရယ်၊ ကျောင်းသားဖြစ်ဖြစ် ကျောင်းသူဖြစ်ဖြစ် ပိုက်ဆံတူတူရမှာပဲဟာကို " ညီအစ်ကိုနှစ်ယောက်ရဲ့စကားဝိုင်းထဲကိုရောက်လာတာက ဒေါ်ပန်းမြိုင်ပင်....
ဒေါ်ပန်းမြိုင်စကားကြောင့် ကဏ္ဏ ဒေါ်ပန်းမြိုင်ကိုကြည့်လိုက်ရင်း
" အမေမသိပါဘူးဗျာ၊ ကိုကြီး ကျွန်တော်ပြောသလိုပဲလုပ်ပေးနော်၊ လောလောဆယ်က ကျွန်တော့်မှာလည်း အလုပ်နှစ်ခုလောက်ရှိသေးတယ် "
ကဏ္ဏရဲ့တောင်းဆိုမှုကြောင့် သော်က ဘာမှဆက်မတိုက်တွန်းတော့သော်လည်း ဒေါ်ပန်းမြိုင်ကတော့ သိပ်ပြီးမကျေနပ်ချင်ပေ။ တစ်ယောက်ကိုတစ်သိန်းနှုန်းနဲ့ နှစ်သိန်းရမည့်ကိန်းကို ကဏ္ဏက လက်လွှတ်လိုက်တာကြောင့်ပင်။
ကဏ္ဏလည်း သူ့အမေအကြောင်းကိုသိသူပီပီ အမေဖြစ်သူရဲ့ပုခုံးကိုအသာပုတ်လိုက်ရင်း
" အမေကလည်းဗျာ၊ နှစ်သိန်းကိုနှမြောမနေပါနဲ့။ လောလောဆယ် သားမှာလည်းအလုပ်ရှိနေတာပဲလေ။ ပြီးတော့ သားကလုံးဝဂိုက်မလုပ်တော့ဘူးလို့ပြောနေတာမှမဟုတ်တာ။ ကျောင်းသားဆိုရင် သင်ပေးမယ်လို့ပြောတာလေအမေရဲ့ "
YOU ARE READING
နာကျင်မှုတို့အလွန် ( နာက်င္မႈတို႔အလြန္ ) [ Completed ]
RandomBoy×Boy Can read with both Zawgyi and Unicode Start date >>> 1.11.2020 End >>> 17.4.2021 (နှစ်ဆန်းတစ်ရက်နေ့) •••••••••• ကိုယ်စီမိသားစုပြသနာတွေရှိနေတဲ့ကြားထဲက ချစ်မိသွားကြတဲ့သူတို့နှစ်ဦး..... ပတ်၀န်းကျင်ရဲ့ ကဲ့ရဲ့ရှုံ့ချမှုတွေ၊ မိသားစုကပေးတဲ့ နာ...
![နာကျင်မှုတို့အလွန် ( နာက်င္မႈတို႔အလြန္ ) [ Completed ]](https://img.wattpad.com/cover/242232714-64-k921571.jpg)