Unicode
သူရိန်နေမင်းကြီးက အရှေ့အရပ်မှနေ၍ တောင်တန်းတို့ကိုကျော်လွန်ကာ ထွက်ပေါ်လာသည့်အချိန်တစ်ခုဝယ် ရွှေစာဟုတင်စားခေါ်ကြတဲ့ စာကလေးငှက်များက တကျီကျီတစာစာအသံပေး၍ အစာရှာနေကြသည်။
" ကိုနိုင်!! ကိုနိုင် သတိထားပါအုံး၊ ကျုပ်ပြောနေတာကြားရဲ့လား ကိုနိုင် !!! "
ကျေးငှက်တို့ရဲ့ တေးသီသံကိုပင် လွှမ်းမိုးထွက်လာတဲ့ ဒေါ်ပန်းမြိုင်ရဲ့အသံကြောင့် ဘုရားစင်ရှေ့မှာအိပ်ပျော်နေတဲ့ ကဏ္ဏနဲ့ အခန်းထဲမှာအိပ်မောကျနေတဲ့ သော်ကတို့ နိုးလာကြသည်။ အမေဖြစ်သူရဲ့ထိတ်လန့်နေတဲ့အသံကြောင့် ကဏ္ဏတို့နှစ်ယောက်သား အော်သံရဲ့လားရာအရပ်ဖြစ်သည့် ဒေါ်ပန်းမြိုင်တို့ရဲ့အိပ်ခန်းသို့ အမြန်ပြေးလာကြသည်။
" အမေ... အမေဘာဖြစ်တာလဲ။ အဖေဘာဖြစ်လို့လဲ "
သော်ကရဲ့မေးသံအဆုံးမှာ ခေါင်းမော့ကြည့်လာသည့် ဒေါ်ပန်းမြိုင်ရဲ့မျက်နှာက မျက်ရည်တို့နှင့်ပြည့်နှက်နေသည်။ အမေ့မျက်နှာပေါ်က မျက်ရည်စတို့ကို မြင်ရသည့်အပြင် အမေ့ရဲ့လက်ပေါ်မှာ လဲလျောင်းနေတဲ့အဖေ့ကြောင့် ကဏ္ဏတို့နှစ်ယောက်အလန့်တကြားနဲ့ အဖေ့နားသို့ကပ်သွားကြသည်။ အမေက သူတို့နှစ်ယောက်ကိုမြင်တာနဲ့
" သားကြီး... သားငယ် နင်...နင်တို့အဖေကနှိုးလို့မရတော့ဘူးသားရဲ့။ အဖေ့ကိုကူနှိုးပေးကြပါအုံး... ကိုနိုင်! ကိုနိုင် ကျုပ်အသံကြားရလား "
ကဏ္ဏတို့ကိုပြောရင်း ဦးနေနိုင်ရဲ့မျက်နှာကိုလည်း လှုပ်ရမ်းနေသည့်အမေ့ကြောင့် ကိုကြီးက အဖေ့ရဲ့လက်ကိုလှမ်းကိုင်လိုက်သည်။ ကဏ္ဏကတော့ သတိလက်လွတ်မတ်တပ်ရပ်နေမိတုန်း....
" အငယ်ကောင်.. ဆရာဝန်သွားပင့်ချေ။ သွား အမြန်သွား "
ကိုကြီးရဲ့စကားကိုကြားတော့မှ ကဏ္ဏသတိပြန်ဝင်လာပြီး အပြင်ကိုအမြန်ထွက်သွားလေသည်။
" အင်း...ဟင်း "
ဦးနေနိုင်ရဲ့ငြီးသံထွက်လာတာကြောင့် ဒေါ်ပန်းမြိုင် သူ့ကိုအမြန်လှုပ်ရမ်းကာ
DU LIEST GERADE
နာကျင်မှုတို့အလွန် ( နာက်င္မႈတို႔အလြန္ ) [ Completed ]
SonstigesBoy×Boy Can read with both Zawgyi and Unicode Start date >>> 1.11.2020 End >>> 17.4.2021 (နှစ်ဆန်းတစ်ရက်နေ့) •••••••••• ကိုယ်စီမိသားစုပြသနာတွေရှိနေတဲ့ကြားထဲက ချစ်မိသွားကြတဲ့သူတို့နှစ်ဦး..... ပတ်၀န်းကျင်ရဲ့ ကဲ့ရဲ့ရှုံ့ချမှုတွေ၊ မိသားစုကပေးတဲ့ နာ...
![နာကျင်မှုတို့အလွန် ( နာက်င္မႈတို႔အလြန္ ) [ Completed ]](https://img.wattpad.com/cover/242232714-64-k921571.jpg)