နာကျင်မှုတို့အလွန် ( နာက်င္မႈတို႔အလြန္ ) [ Completed ]

Part 4

Unicode

အိမ်ထဲကို​ရောက်​တော့ ဖုန်းတစ်လုံးကိုင်ကာ မျက်နှာပျက်​နေတဲ့အ​ဖေ...

" အ​ဖေ ဘာဖြစ်လို့လဲ! ကြီးသွယ်တို့ကဖုန်းဆက်လို့လား "

" ဟုတ်တယ် သား။ ဒီလအတွက်​ပေးရမယ့် တစ်သိန်းလာမ​ပေး​သေးလို့တဲ့ "

" ကျွန်​​တော် ကိုကြီးကိုခဏစိုက်ခိုင်းထားလိုက်မယ်။ အ​ဖေစိတ်မပူနဲ့​နော်။ ဒီလအတွက်ထုတ်လာတဲ့လစာသုံးသိန်းမှာ နှစ်သိန်းခွဲက အန်တီနွယ်နီ့ကို​ပေးလိုက်ပြီ။ ကြီးသွယ်တို့ကို​​ပေးစရာမကျန်​တော့ဘူး "

" ​အေးပါကွာ။ အ​ဖေ့သားကို အ​ဖေတကယ်သနားလာပြီ "

" သားကိုသနားတယ်ဆိုရင်လည်း ထပ်ပြီးမမိုက်ပါနဲ့​တော့အ​ဖေရာ။ အရင်လ​တွေက​ရော ကြီးသွယ်တို့ကိုပိုက်ဆံ​ပေးဖြစ်လား။ အ​ဖေဘာ​တွေသုံးလိုက်တာလဲဗျာ "

" ကြီးသွယ်တို့ကို​တော့ ​ပေးဖြစ်ပါတယ်သားရဲ့။ မနွယ်နီကိုပဲမ​ပေးဖြစ်လိုက်တာ။ အ​ဖေ့အသိတစ်​ယောက်က ပိုက်ဆံလိုတယ်ဆိုလို့ သူ့ကို​ခဏ​ချေး​ပေးလိုက်တာ "

" အ​ဖေရာ..ကိုယ်​တောင်ပိုက်ဆံမရှိရတဲ့ကြားထဲ။ ပိုက်ဆံ​ပေါ​နေလို့ကူညီ​ပေးတယ်ဆိုလဲတစ်မျိုး​ပေါ့ဗျာ "

" သူ့အ​မေက အ​ရေး​ပေါ်အ​ခြေအ​နေမလို့ပါသားရယ်။ မဟုတ်ရင် အ​ဖေလည်းဘယ်ကူညီမှာလဲ။ လူ့အသက်တစ်​ချောင်းက ကယ်​ကောင်းပါတယ်ကွာ "

" ​ဟုတ်ပါပြီဗျာ။ အ​ဖေနဲ့ပြိုင်မ​ပြော​တော့ပါဘူး။ ကျွန်​တော်လည်း အလုပ်တစ်ခုမြန်မြန်ရှာရမယ်။ ခုသင်​နေတဲ့က​လေး​တွေက စာ​မေးပွဲ​ဖြေပြီးသွားရင် ကျွန်​တော့်မှာလုပ်စရာအလုပ်မရှိ​တော့ဘူး "

" သားကိုကြီးကို အကူအညီ​တောင်းကြည့်​ပေါ့သားရာ။ ​ခုက ကိုးတန်း​တွေ​အောင်စာရင်းထွက်ပြီမဟုတ်လား။ ဆယ်တန်းတက်မယ့်က​လေး​တွေရှိပါ​သေးတယ် "

အ​ဖေ့စကား​ကြောင့် ကဏ္ဏသက်ပြင်းချလိုက်ရင်း

" ဒါ​ပေမဲ့ ခုလို ​ကျောင်းစ,စဖွင့်ချင်းအချိန်​တွေကျ​တော့ ဂိုက်ငှားမယ့်သူရှားတယ်အ​ဖေရ။ သူတို့က နှစ်တ၀က်ကျိုးမှ ဂိုက်ငှားကြတာ။ အဲ့ဒါ​ကြောင့် ဒီကြားထဲမှာလုပ်ဖို့ အလုပ်တစ်ခုရှာရအုံးမှာ "