Unicode
" ပြန်လာပြီလား " ကဏ္ဏအိမ်ကိုပြန်ရောက်ရောက်ချင်းမှာပဲ အမေကမေးလေသည်။
" ဟုတ် ပြန်ရောက်ပြီအမေ၊ အဖေ့အတွက်ဆေးသွားယူပြီးပြီလား "
" အေး ယူပြီးသွားပြီ နင့်အဖေကဆီးချိုတွေရောရှိနေလို့ တီဘီဆေးကကိုးလသောက်ရမှာတဲ့၊ အခုတော့ သုံးလစာအရင်ပေးလိုက်တယ်။ နေ့တိုင်းတစ်ရက်မှမပျက်ပဲ အချိန်မှန်မှန်သောက်ရမယ်လို့မှာလိုက်တယ် "
" ဒါဆိုရင် alarmပေးထားလိုက်လေအမေ။ တော်ကြာ အဖေဆေးသောက်တဲ့အချိန်မမှန်ပဲနေလိမ့်မယ် "
ကဏ္ဏစကားကို အမေကခေါင်းညိမ့်လိုက်ရင်း
" အင်း ငါလည်းအဲ့လိုလုပ်မလို့ပဲ။ ဆေးရုံကပြောလိုက်တာကတော့ တစ်ရက်ပျက်တာနဲ့ တစ်ကပြန်စပြီးသောက်ရမယ်ပြောတယ်၊ ရက်ပျက်လို့မရဘူးတဲ့ "
" အဲ့လိုရက်ပျက်လိုက် အစကပြန်စပြီးသောက်လိုက်ဆိုရင် တီဘီပိုးကဆေးကိုနိုင်သွားမှာစိုးလို့နေမှာပေါ့အမေရ "
" ဒါနဲ့ ဆိုင်ကယ်ကိစ္စ အခြေအနေဘယ်လိုရှိလဲ "
ကဏ္ဏ သူ့လွယ်အိတ်ထဲက ပိုက်ဆံသုံးသိန်းခွဲကို အမေ့ကိုထုတ်ပေးလိုက်ရင်း
" တစ်ခါထဲရောင်းလာခဲ့လိုက်တယ်အမေ၊ ကျွန်တော့်သူငယ်ချင်းကူညီတာ၊ ပွဲစားခတောင်မယူလိုက်ဘူး "
" အမလေး မောင်မင်းကြီးသား ကျန်းမာပါစေ၊ ချမ်းသာပါစေတော်။ နင့်အဖေသိလို့မဖြစ်သေးဘူးနော်၊ ဒီပိုက်ဆံနဲ့ သူ့အကြွေးဆပ်စရာရှိတာဆပ်၊ ဆေးဖိုးချန်စရာရှိတာချန် လုပ်ရမှာ "
" အမေမပြောရင်မသိပါဘူးဗျာ။ ကျွန်တော်နဲ့ကိုကြီးနဲ့ဆိုတာက အိမ်မှာအချိန်ပြည့်မနေရတော့ အဖေနဲ့သိပ်ပြီးမှမတွေ့ဖြစ်တာ။ တွေ့နေရတဲ့အမေသာ အစမဖော်မိစေနဲ့ပေါ့ဗျာ "
" အေးပါအေးပါ၊ ငါသိပါတယ်ဟဲ့။ နောက်တော့မှပဲ နင့်အဖေကိုအသစ်တစ်စီး အရစ်ကျနဲ့ဝယ်ပေးလိုက်တော့မယ်၊ အခုတော့ သူလည်းကျန်းမာရေးကောင်းသေးတာမဟုတ်ဘူး၊ ဆိုင်ကယ်ရှိနေရင် ဟိုထွက်ဒီထွက်နဲ့ ဖမ်းလို့ကိုမမိဘူး။ တစ်ခါထွက်ရင် အကြွေးတစ်ခါပါလာတယ် "
YOU ARE READING
နာကျင်မှုတို့အလွန် ( နာက်င္မႈတို႔အလြန္ ) [ Completed ]
RandomBoy×Boy Can read with both Zawgyi and Unicode Start date >>> 1.11.2020 End >>> 17.4.2021 (နှစ်ဆန်းတစ်ရက်နေ့) •••••••••• ကိုယ်စီမိသားစုပြသနာတွေရှိနေတဲ့ကြားထဲက ချစ်မိသွားကြတဲ့သူတို့နှစ်ဦး..... ပတ်၀န်းကျင်ရဲ့ ကဲ့ရဲ့ရှုံ့ချမှုတွေ၊ မိသားစုကပေးတဲ့ နာ...
![နာကျင်မှုတို့အလွန် ( နာက်င္မႈတို႔အလြန္ ) [ Completed ]](https://img.wattpad.com/cover/242232714-64-k921571.jpg)