VOUS LISEZ

နာကျင်မှုတို့အလွန် ( နာက်င္မႈတို႔အလြန္ ) [ Completed ]

Aléatoire

Boy×Boy Can read with both Zawgyi and Unicode Start date >>> 1.11.2020 End >>> 17.4.2021 (နှစ်ဆန်းတစ်ရက်နေ့) •••••••••• ကိုယ်စီမိသားစုပြသနာ​တွေရှိ​နေတဲ့ကြားထဲက ချစ်မိသွားကြတဲ့သူတို့နှစ်ဦး..... ပတ်၀န်းကျင်ရဲ့ ကဲ့ရဲ့ရှုံ့ချမှု​တွေ၊ မိသားစုက​ပေးတဲ့ နာ...

#boyxboy #family-problems #friends-to-lovers #owncreation #painfulmemories #s----ending

Part 24

793 29 0 
                                    

                                              
Unicode
ကဏ္ဏတို့နှစ်ယောက်သား ကဏ္ဏငှားနေတဲ့အိမ်ကိုရောက်လာခဲ့ကြသည်။ ရောက်ရောက်ချင်းမှာပဲ အစိုင်းက 
" ဏ... ဘာတွေဖြစ်လာတာလဲ ကိုယ့်ကိုပြောပြပါအုံး။ ကိုယ်မနေ့ညက ညီမလေးဆုံးသွားတဲ့အကြောင်း ဏဆီဖုန်းဆက်ပြီး မပြောဘူးဆိုတာက ဏ စာမေးပွဲနီးနေလို့ ကိုယ့်ကြောင့်အနှောက်အယှက်ဖြစ်မှာစိုးလို့ပါ... အခုက အိမ်နဲ့ဘယ်လိုဖြစ်ရတာလဲ " 
ရောက်တာနဲ့ မေးခွန်းတွေတရစပ်မေးနေတဲ့အစိုင်းကို ကဏ္ဏ သောက်ရေတစ်ခွက်ချပေးလိုက်ရင်း 
" မင်းစိတ်ပူသွားရင် တောင်းပန်ပါတယ်အစိုင်း၊ မင်းက နဂိုကမှ နှင်းနုကိစ္စနဲ့စိတ်ဆင်းရဲနေရတဲ့အထဲ.. " 
ကဏ္ဏစကားကြောင့် အစိုင်း 'ကျစ်' ခနဲ အသံလုပ်လိုက်ရင်း 
" မဆိုင်ဘူးလေ ဏရာ၊ ကိုယ့်ကိုပြော ဘယ်လိုဖြစ်ပြီး ဏကအိမ်ကထွက်လာရတာလဲ။ ဏ အမေနှင်ချလိုက်တာလား " 
အစိုင်းခန့်မှန်းတာမှန်နေတာကြောင့် ကဏ္ဏမျက်လုံးပြူးသွားကာ 
" မင်းဘယ်လိုလုပ်သိတာလဲ " 
" ဏက အမေချစ်သားလေးမဟုတ်ဘူးလား၊ ဏကို ဏအမေကချစ်လွန်းလို့ပဲ ကိုယ်နဲ့မပေါင်းစေချင်ခဲ့တာလေ။ အခု အိမ်ပေါ်ကနှင်ချတဲ့အထိဆိုတော့ ဘာလဲ ကိုယ်နဲ့ပေါင်းနေတာသိသွားလို့လား " 
အမေချစ်သားတဲ့၊ ချစ်လွန်းလို့တဲ့လား... တကယ်တော့တစ်ခုမှမဟုတ်ပေ၊ သူ့အမေချစ်တာက သူမရဲ့အတ္တနဲ့ဂုဏ်သိက္ခာကိုပင်။ အဲ့ဒါကြောင့်မလို့ပဲ ကဏ္ဏနဲ့အစိုင်းချစ်သူတွေဆိုတာသိသွားတော့ ကဏ္ဏကိုနှင်ထုတ်တာမဟုတ်ပါလား။ ‌ဖောက်ပြန်နေတဲ့အဖေဖြစ်သူကတောင် သူ့ထက်သာပါသေးတယ်တဲ့လေ။ ထိုသို့တွေးမိတော့ ကဏ္ဏနာကျင်စွာပြုံးမိပြန်သည်။ 
" ဏ... ဘာလို့အဲ့လိုကြီးပြုံးနေရတာလဲ... ဘယ်လိုဖြစ်လာတာလဲကိုယ့်ကိုပြောအုံးလေ " 
" တကယ်တော့.... အမေက ငါတို့နှစ်‌ယောက်ချစ်သူတွေဖြစ်နေတာကိုသိသွားတာ " 
အစိုင်း အံ့ဩသွားသည်။ 
" ဘယ်လိုဖြစ်ပြီး... "
နာကျင်မှုတို့အလွန် ( နာက်င္မႈတို႔အလြန္ ) [ Completed ]Où les histoires vivent. Découvrez maintenant