ETERNAL SERIES: Marry Me, Travis!

CHAPTER 1

"I want to leave."

Hindi ko na mabilang kung ilang beses ko nang narinig mula sa bibig ni Nathalie na hindi siya kumbinsido sa plano ko. Ang akala niya ay gumagawa lang ako ng paraan upang makatakas kay Travis.

Alam niya kung gaano kong kinamumuhian ang lalaking iyon. Naroon siya when Travis humiliated me sa harap ng maraming tao, yet heto siya ngayon at panay ang pangangaral sa akin. She wants me na makasal kay Travis kahit na ayaw ko!

Ni hindi ko nga alam kung anong pinakain sa kanya ni Travis at para bang botong boto siya sa lalaking iyon! Travis is a fucking bastard. He's a manipulative slash arrogant man! Kung sinabi nga lang ni Nathalie nung una pa lang na si Travis ang magiging boss ko sa company na iyon, then sana hindi ko na tinanggap ang offer niya.

I wonder kung kasabwat nga ba ni Travis ang mga kaibigan ko. Ni hindi ko nga alam kung papaniwalaan ko pa si Nathalie lalo na sa kung anong ginawa niya sa akin kanina!

"No, you're not," she said while pointing at me. "Magi-stay ka rito whether you like it or not, Empress."

"Kaibigan ba talaga kita?" I asked.

Nang dahil sa sinabi ko, mabilis na nagbago ang reaksyong nakita ko sa mukha niya. Based on her look, tila ba mabilis na na-washed out lahat ng reaksyong nakita ko sa kanya kanina.

"Yes, of course!" she said before niya hinawakan ang mga kamay ko. "Empress, wala naman akong ibang gusto kung hindi yang ikasasaya mo..."

"Tingin mo ba sasaya ako kapag nagpakasal kaming dalawa, Nathalie?"

Mabilis niyang itinikom ang bibig nang marinig ang sinabi ko. Bakas sa mukha niya ang gulat na mabilis ding napalitan nang makita niyang tumulo ang luha sa gilid ng mga mata ko.

"Devastated na ako sa nangyari sa aming dalawa. Please lang, Nathalie, wag ka nang dumagdag pa."

"I-I'm sorry, Empress. Natatakot lang ako," sagot niya na ikinailing ko. "Natatakot lang ako. Ang akala ko, mahal mo siya. Mahal ka niya, Empress. Hindi niya lang masabi sa 'yo. Sa katunayan nga— alam kong may plano siya, Empress. Just hold on, okay?"

"Hindi na ako naniniwala sa mga ganyan, Nathalie," sagot ko na ikinabuntong hininga niya. "Gusto kong umalis. Kung hindi mo ako tutulungan, pwede bang itikom mo na lang ang bibig mo?"

"So... hindi ko na magagawa pang baguhin ang desisyon mo, Empress?"

Umiling ako sa sinabi niya bago ako nagdesisyong magpatuloy sa pag-aayos ng gamit. Agad akong natigilan nang maramdaman ko siyang umupo sa gilid ko upang tulungan ako sa pagbabalot ng mga gamit ko sa bagahe.

"I'm sorry. Ang akala ko magbabago pa ang isip mo once na may mangyari sa inyong dalawa. Ang buong akala ko iyon na lang ang bagay na maitutulong ko sa 'yo. Gusto ko lang namang makatulong, Empress."

"But... you ruined everything, Nathalie," sagot ko na ikinayuko niya sa kahihiyan. "Pwede bang... mag-request sa 'yo?"

"Kahit ano!" she said before she raised her head upang lumingon sa akin. "Please, Empress, tell me. Babawi ako sa 'yo, I promise you!"

"Gusto kong umalis ng Pilipinas," sagot ko na bahagya niyang ikinatigil. "This time, wala na akong planong bumalik pa rito. Once na umalis ako, hinding hindi niyo na ako makikita pa."

"P-Paano si Travis kung ganoon?" tanong niya pagkatapos ng ilang segundong pananahimik. "Magagalit siya sa oras na malaman niyang pinatakas kita. Baka... magalit siya sa akin kapag nalaman niyang hindi kita pinigilan sa plano mo."

"Kilala ko siya, Nathalie," sagot ko na ikinahinga niya nang malalim. "Hinding hindi siya magagalit sa 'yo."

"Wala ka rito nung nagalit siya sa amin, Empress," sagot niya. "Wala ka rito nung mga panahong halos baliktarin niya ang buong mundo, mahanap ka lang."