Hindi Tugma

Kabanata III

/ Kabanata III /

Pinanghinaan ng loob si Amaris. Gusto na niyang maglaho mula sa kaniyang kinatatayuan. Mukhang naging mahinang tao siya bigla. Nawala na lang ang katapangan na kaniyang ipinakita sa kaibigan kanina.

Marami na rin kasi ang nakakita sa nangyayari. Kasama na rito ang ilan sa mga nagtatrabaho sa cafeteria. Ngunit ni isa ay walang naglakas ng loob na tulungan siya.

This seems the worst first day for Amaris' college life. Mukhang malas talaga ang pangyayari sa unang araw niya. And, this might be the last or the worst climax of the ride of his journey. Nalagay sa binggit ng kahihiyan ang sarili niya. Magiging sanhi ito ng pagiging topic niya sa buong college career niya 'pag nagkataon.

Hindi na siya nagdalawang-isip na halikan sa labi si Ryker. Tumingkad pa ito para maabot ang labi ni Ryker. Wala namang reaksyon ang lalaki, habang si Amaris ay naliligo na sa pawis dahil sa kaba. Nang unti-unting inilalapit ni Amaris ang labi kay Ryker, inilalayo naman nito ang kaniyang ulo.

"Wrong move," sabi ni Ryker, sabay dampi ng hintuturo nito sa naka-pout na si Amaris. "Guys, nakita niyo ba ang gagawin ng taong 'to? He is willing to kiss me. Ano sa palagay niyo ang tawag do'n? He is a damn gay and idiot. Ang bilis niyang nagpapain sa bitag ko . Tsk, tsk, tsk... pathetic guy." Iyon ang pagpapahiya ni Ryker kay Amaris sa harap ng marami.

Nagtawanan naman ang lahat nang nakarinig. Ang ilan ay nilait pa si Amaris na parang wala silang bahid ng kasalanan. Bulong-bulungan din siya ng mga inggetera na gusto sanang maka-chansing kay Ryker. Ngunit, may iilan na naawa rin sa kalagayan ni Amaris. Ngunit natatakot na masali sa gulo.

"Tarandado ka pala, eh!" galit na sabi ni Amaris.

Dumausdos na ang mga luha niya na kanina pa niya pinipigilang h'wag tuluyang kumawala. Napuno na siya ng kahihiyan.

"Hoy! Kumag ka palang hayop ka! Idol pa naman kita kaso ang baho pala ng ugali mo!" pagtatanggol ni Cleo, pagkatapos bumalik na sa sarili ngayon.

"Hoy, pangit! Hindi ka pinipilit na idolohin ang idol namin. Para ka namang tutong diyan!" sigaw ng patpating babae kay Cleo.

"Okay na maging tutong, masarap pa rin kaysa sa tulad mong kulang sa sustansiya," sagot nito.

Napikon naman ang patpating babae. "Aba't pilosopa kang pangit ka!" Agad na sinugod ng patpating babae si Cleo.

Hindi naman nagpahuli si Cleo at nakipag-away din. Sila na ngayon ang naging sentro ng lahat.

"Hindi ko inakalang hahalikan mo talaga ako. May gusto ka nga sa 'kin," nakangising bulong ni Ryker kay Amaris.

"Wala kang hiya. Makakaganti rin ako sa 'yo," gigil na sabi ni Amaris, habang pinipigilan naman ang kamao niya na mailapat sa mukha ni Ryker. "Pasalamat ka marunong pa ako magtimpi," dagdag pa nito.

"That's enough!" Muling inagaw ni Ryker ang atensiyon ng lahat. Tumigil naman ang dalawa sa pag-aaway at lumapit muli si Cleo sa tabi ni Amaris. "This guy is not straight as you think he is. He likes men, as you've witnessed― or shall I say, he likes me," malakas na kumpiyansa na anunsiyo ng binata.

May ilang nagalit ulit at may ilang wala ring pakialam.

"Tama na 'yan, Ryker." Napalingon ang lahat sa nagsalita.

It was Milio, na kanina pa pala nanonood sa nangyayari. Hindi na kasi kinaya ng konsensiya niya na basta-bastang makitang binu-bully ng Engineering student si Amaris, na kabilang sa kanilang department.

"Yes, little boy? Ano namang mapapala mo rito?" tanong naman ni Ryker kay Milio. Lumapit naman si Milio na mukhang handa nang manapak anumang oras. Tumayo siya sa gilid ni Amaris na ngayon ay namumutla na sa kahihiyan.