Hindi Tugma

Kabanata XII

/Kabanata XII/

Naiwang pinagmamasdan ni Amaris ang lawak ng hallway sa fifth floor. Nakikita niya rin ang ilang estudyante na dumaraan kasama ang kanilang mga kaibigan. Pinagtitinginan kasi siya dahil sa kaniyang naiibang suot na uniporme. Bakas sa mga mata nila ang why-an-education-student-is-here look sa kaniya. Hindi na lang niya ito pinansin at ibinaling ang tingin sa ganda ng view sa labas ng building.

"Mas maganda pala rito ang view kaysa sa building namin," nasabi niya sa isipan.

Mayamaya ay muling bumalik si Milio pagkatapos makipag-usap sa tumawag, "Auhm, Amaris."

Napalingon naman ito kay Milio. "Bakit?"

"I need to go. Mauuna na ako dahil kailangan ko pang pumunta kay Mr. Camacho for our thesis. Tumawag na kasi ang thesismate ko. Deretsuhin mo na lang 'yang daan. Sa last block, nandiyan naman sila Asher, Don, at Atticus, mga kaibigan niya 'yon. Tanungin mo na lang sila, huh. Mauuna na ako. Sorry, hindi na kita masasamahan," paliwanag ni Milio sa kaniya.

Tinapik niya sa balikat ang kausap, "Okay lang. Thank you ulit at mag-ingat ka."

Binaybay nito ang hallway nang makaalis na si Milio. Hanggang sa narating niya ang dulong bahagi ng palapag. Nakita nito ang block na tinutukoy ni Milio. Nang akmang bubuksan na nito ang pintuan ay bigla siyang nabangga ng pinto pagbukas ng tao sa loob.

"Ops! Sorry. Are you alright?" agad na tanong sa kaniya nang bumukas ng pinto. "A-Amaris?" nagtatakang sabi ng pangalan ni Amaris. Namukhaan siya nang taong bumukas ng pinto.

"I'm okay," sagot ni Amaris, hawak ang noong natamaan.

"B-bakit ka nandito? May kailangan k aba?"

Nagtaka si Amaris nang maalalang tinawag siya nito sa kaniyang pangalan, "B-bakit mo pala ako kilala?"

"Oh! By the way, I'm Atticus, kaibigan ni Ryker." Biglang naglahad ng kamay ang kausap, senyales na gusto nitong makipagkamay.

Tinugunan naman ito ni Amaris. "Ikaw ba ang kaibigan ni Ryker?"

Tumango lang ang kausap niya.

Nagkaroon ng lakas ng loob si Amaris magsalita. "Kailangan ko ng tulong mo. I need to talk with him. Nandiyan ba siya?"

Napakamot tuloy ng ulo si Atticus, hindi alam ang susunod na itatanong, "Bakit mo ba siya hinahanap?"

"I was assigned by the university's publication to cover the incident last two weeks ago. So, I badly needed to talk to him," he explained, "Can I?"

"Oo naman. Ikaw pa ba. Kaya lang, Amaris, wala siya rito, eh."

"Ganoon ba?" Biglang nalungkot na lang ang mukha ni Amaris. "Do you have any idea kung saan siya nagpunta? Sabi kasi sa'kin ni Milio, umuwi na siya at hindi pumasok sa next class niyo. Pwede mo bang sabihin ko saan ko siya makikita?"

"Okay, hinay-hinay lang. Ako lang 'to," pabirong sabi sa kaniya ni Atticus, dahil sa sunod-sunod na tanong.

"Sorry."

"It's okay. Para sagutin ang mga tanong mo, oo, kanina pa siya umuwi. Siguro alam mo naman kung nasaan siya ngayon. Dumating kasi ang parents niya galing Canada. Kaya, hayun, nagmamadaling umuwi."

"Hindi na ba siya papasok mamayang hapon?"

"Hindi na. Kilala ko 'yon."

Parang nawalan ng pag-asa si Amaris na makakausap si Ryker ngayong araw. Wala ang binatang hinahanap niya, kaya posibleng hindi niya matatapos ang kaniyang gawain.