As You Needed (COMPLETED)

Chapter 61

DUMIRETSO SI EVIE sa balkonahe ng silid at tinanaw ang mas malawak na natawin ng karagatan.

Malinaw ang asul-berdeng dagat dahil sa pino at puting buhangin, kahit pa may iilang naroon sa beach, hindi naman nakakabawas sa ganda nito.

Kahit pa nasa tila paraiso ito, bakas pa rin sa mukha niya ang lungkot dahil sa totoo kaganapan sa buhay niya na nais niya sanang masolusyunan na.

Huminga muli siya ng malalim at napapikit na lang para sariwain ang hangin na humahampas at dumadampi sa balat niya. Tila sa sandaling ito, nare-relax ang kaisipan niya.

Matapos niyang makapagayos ng gamit at bihis na rin ng ready to swim outfit, nagpasya muli siyang lumabas ng hotel room niya at nagtungo ng reception area.

Nagbilin siya na kung sakaling may maging available room na mas mababa sa junior suite niya ngayon, nais sana niyang lumipat na lang doon at pumayag naman ang management.

Naglibot muli si Evie at ngayo'y napansin na niya ang golf course area at open field para sa nais magrenta ng bikes, 4x4 motor bikes at scooters. Napansin na rin niyang bukas ang isang sunken bar na may billiards, darts at ibang board games na available sa loob, may iilang tao rin naroon.

Naglakad muli siya palabas ng resort para makarating ng front beach, habang sinasalubong ang hangin sa dalampasigan at kasabay si Steve, natanaw niya na tila may photo shoot na nagaganap sa madadaanang beach side.

Habang naglalakad at dinadaanan ang mga ito, minamasdan niya ang magkasintahan na kinukuhanan ng litrato habang abala ang staff at photographer sa kanila. Hindi niya napigilang hindi mangiti dahil sa sweetness ng couples, at hindi niya rin inaasahan ang pumasok sa isip niya.

Magiging ganito rin kaya kami kasaya ni Silver?

Hindi sa ayaw niya ang ideyang ito pero ayaw niya paasahin ang sarili niya rito. Kaya tuluyan niyang nilampasan ang minamasdang photo shoot kanina.

Naglakad-lakad lang din siya sa beach kahit pa matirik ang araw, hindi niya yun alintana dahil malamig ang simoy ng hangin, nakatulong din ang suot niyang big hat at sunglasses kahit pa naka-maxi dress siya pang ibabaw.

Dahil umabot na siya sa dulo ng resort area, nagpasya na siyang maglakad pabalik dahil nakaramdam na rin siya ng gutom. Bumalik siya sa restaurant sa loob ng resort, kasama pa rin si Steve, at nagpasyang subukan ang mga pagkaing naroon.

Kapansin-pansin pang world class ang menu ngunit may iilan pa ring authentic cuisines. At ang nakakatuwa pa ay may espeyal na menu para sa alagang hayop na kasama ng guest sa restaurant.

Habang nagiintay ng in-order niya, namasdan niya muli ang tinatayong coffee shop na halatang kay Benjamin, hindi niya napigilang ngumiti at mailing dahil rito.

Matapos niyang kumain, bumalik siya ng kwarto niya saglit upang kumuha ng ilang gamit at bumalik na rin sa beach front. Naglatag siya ng sapin niya habang nagbabasa ng libro sa ilalim ng puno ng buko. Nasa tabi niya lang din si Steve na inaabala ang sarili ngunit hindi naman lumalayo sa kanya.

Napapatanaw siya minsan sa mga taong nasa beach at hindi niya maiwasan ang sumasagi sa isip niya, si Silver.

Nakita niyang may couples na umaakyat sa kayak, naglalakad na magkahawak kamay, naglalakad na may hawak na snorkeling gears at mayroon ding nag-swimming sa dagat ng sabay. Lahat ng ito ay nakakapagpaalala sa kanya ng nagawa nila noon ni Silver na magkasama. Hindi niya malaman kung nais niyang mangiti o malungkot.

Sobra na niyang nami-miss ang binata ngunit kapag naalala niya ito, tila nalulungkot siya at nanlulumo. Gustong-gusto niyang kamustahin ito ngunit kailangan muna niyang pigilan ang sarili hangga't hindi pa siya desidido sa sarili. Ayaw naman din niyang maging unfair kay Silver na mahal nga niya ito ngunit hindi buo.