As You Needed (COMPLETED)

Chapter 40

LAHAT SILA AY humahangos at tila mga nagpipigil pa rin ng galit. Nanlilisik ang mga tingin ng mag-inang Georgia at Gina kay Evie at gayun rin ito sa kanila.

Nakapayakap pa rin si Silver kay Evie na tila pinoprotektahan ito habang galit at hindi makapaniwalang nakatingin rin sa mag-ina.

"Tama na! Bakit ba kayo nagkakagulo?!" halos humangos din si Silver dahil sa galit.

"Yang babae mo Silver! Masyadong bastos!" pagduro pa ng ginang na mukhang cockatoo na ang ulo dahil sa taas-taas nitong buhok.

"Kayo ho ang bastos para sabihan akong parausan lang ni Silver!" nanggagalit pang sigaw ni Evie na inaawat ni Silver.

"Malandi ka lang talaga! Mangaagaw!" sabat pa ni Georgia kaya siya naman ang tinuunan ni Evie.

"At least hindi ko in-offer ang virginity ko at naghahabol! Desperada!"

"Tama na!" sigaw pa ulit ni Silver at sinasamaan na ng tingin ang mag-ina. "Seriously, tita Gina?! Nakisali pa kayo rito?"

"At bakit hindi ha? Ginalaw mo ang anak ko tapos ano?! Tatakbuhan mo lang? Hindi mo pananagutan?!" nanggagalaiti pa rin nitong pagpupumilit.

"Hindi ko po pinilit ang anak niyo! Siya ang nagpupumilit sa akin! Lasing po ako nun at hindi ko alam kung papaano rin yun nangyari!" paliwanag pa ni Silver. "Kung nasa tamang pagiisip lang po ako nun, pagtatabuyan ko ulit siya kagaya ng palagi kong ginagawa!"

"Ugh?!" napaawang na lamang ng bibig ang ginang sa hindi makapaniwalang reaksyon.

Bumaling naman si Silver ulit kay Georgia na masama ang tingin kay Evie.

"At ikaw Georgia! Hindi ba't sinabihan na kita? Sa oras na manggulo at saktan mo ulit si Evie, kakasuhan na kita!" pagduro niya pa rito kaya kaagad na tumayo si Georgia at tila nagsumamo.

"Huwag mong gawin sa akin toh Silver! Huwag mo akong iwan sa ere! Mahal na mahal kita eh!" pagtangkang hawak pa nito kay Silver ngunit iniiwas ni Silver ang braso niyang mahawakan nito.

"Malaki ang pagkakautang ng nanay mo sa amin! Baka nakakalimutan mong kaya ko rin siyang ipakulong kapag pinakulong mo si Georgia!" sabat pa ng ginang.

"Huwag po kayong magalala, babayaran ko na lang po ang pagkakautang ni mama sa inyo! At pareho ko po kayong sasampahan ng kaso!" pagduro pa ni Silver sa mag-ina.

"You can't do this to us!"

"Watch me!"

Bumaling naman na si Silver kay Evie na humahangos pa rin ngunit mas kalmado na ngayon. Bakas rito ang galit at panggigigil sa nangyari. Nais niyang maawa dahil mukhang napagtulungan pa ng mag-ina.

Hinawi niya ang magulong buhok nito at inayos ang pagkakasuot ng lumaylay ng damit. Sinapo niya ang magkabilang pisngi nito na labis na namumula at gayun rin ang sa may leeg at dibdib na marami ring gasgas. Tiningnan niya rin ang mga namumula at naghahabaang kalmot nito sa braso.

"Ayos ka lang ba, mommy?" labis pa pagaalala na ni Silver rito.

"Ayos lang ako daddy." baritonong sagot lang ni Evie na labis pa ring nagpipigil. Nangingilid na rin ang mga luha sa mata niya dahil sa galit na mas nakakapagpula ng labis sa kanyang ilong at pisngi.

"Sir! Sir Silver! Nariyan na po ang mga pulis." nananakbo pang saad ni manong Obet pagkapasok ng bahay.

Labis na nagulat ang mag-ina at lahat sila ay napalingon sa bukana ng pintuan. Pumasok rin naman doon ang apat na kalalakihang nakauniporme ng pulis.

"Magandang gabi ho!" bati ng pulis na nangunguna sa kanila.

"Silver! Don't do this to us!" sumamo naman na ni Georgia.