طريق المدينة

بارت الـ 36

قصه : طريق المدينة
الكاتبه : زهراء علي شناوة

انيوب : اني انيوب عمري 30 سنه من اب عراقي و ام كوريه اي صح اكو غلط بالموضوع
والدي العزيز قبل 31 سنه جان بَ كوريا عنده شغل بالصدفه التقى بَ سيده كوريه و شاء القدر و صارت بينهم علاقه
بالمختصر خان مرته الي دا تنتضره بالعراق هيَ و اولاده مجاهد وساره بسبب هل علاقه والدتي حبلت بَ انيوب الي هو اني طلبت من والدي يتزوجها بس مقبل و اتفقو بس تجيب ابويه ياخذ الطفل و يرجع للعراق
بعد مرور 9 اشهر جابت و والدي اخذني و رجعني العراق و سجلني بَ اسم زوجته الي هيَ هسه والدتي .. محد يعرف بهاذا الشيء بس والدي و ببيتي و امي ..
بطفولتي جنت دائما وحدي و محد يقبل يصير صديقي لان شكلي مو مثل شكلهم .. من جنت صغير ابين من ملامحي اني كوري بس ماطول اني بالعراق مراح يخطر ابالهم اني والدتي كوريه .. بعمر  ال 25 عرفت والدتي كوريه و مو ام مدرك امي جان شعور صعب الانسانه الي كل عمرك تفكرها امك تطلع بالاخير مو والدتك !
مهما كان ألمــوضـو؏ تقبلته لان حتى لو ردت اتعرف على امي الحقيقه مراح اكدر وين الكاها بعد مرور 30 سنه !!
بالمدرسه و بكل مكان جانو يلقبوني بالفاشل و دائمآ جانو يكلولي راح اطلع " زبال " حشاكم
و مراح اكبر احقق اي شيء و من شفت الناس هيج ويايه قررت اكسر عينهم و اصير بَ أحــسن المناسب ، و جنت كد كلمتي
و طلعت معدل 100 ضبط بالسادس .. و دخلت كليه طب عام
و هسه اني الدكتور انيوب الي الناس تجي من محافظات حتى بس تتعالج يمي
بالاصرار و العزيمه كولشي يتحقق
اني طول عمري جنت مركز على مستقبلي و دراستي و لا مره ارتبطت ولا رف كلبي البنيه ... لحد ما بيوم من الايام رجعت من الشغل تعبان و والدتي جانت ابيت اهلها و رحت البيت جدي
فتحت الباب و شفت بنيه بالحديقه كاعده تسمع اغاني و تقرة كتاب و تتمرجح بالمرجوحه.. بس انتبهت احد فتح الباب باوعت عليه و جانت ملامحه كولش حلوه و حاده ..  حطت الكلاو على راسها راسا .. بعدني حتى مسائلها منو انتِ ما احس غير تشمر عليه طابوكه بس الحمدلله اجتي بالحايط

زهراء: منو انتّ ؟؟

انيوب : انتِ منو ؟؟

زهراء: اطلع برا

انيوب : انتِ اطلعي برا هاذا بيت جدي
منين اجيتي انتِ ؟؟؟

زهراء: بيت جدك ؟

انيوب : اي ؟

زهراء: انتّ ابن منو ؟

انيوب : ابن جاهد  !!!!

زهراء: ها حلو ابن عمي الجبير
مرحبا اني زهراء بنت عمك مؤيد ..

انيوب : تحجين صدك ؟

زهراء: اي .

انيوب : اتشرف زهراء
اني انيوب ..

زهراء: ها حلو اسم على مسمى ..

انيوب : مفهمت ؟

زهراء: اسمك كوري و شكلك كوري اكتملت السبحه..