طريق المدينة

بارت الـ ٢٤

قصه : طريق المدينه ..
للكاتبه : زهراء علي شناوه ..

تجاوزتك و كَمـلت ..
مُـجبر چنـت مو بَـطل
غَصـبا عليـة عشت
مِـن آنـتَ مو يَمي
كَـلت على هَـجـرك حـلو
و كَالـولي عفيه و كَفـو
بَـس النتيجه شنو ؟
كَـدام ناسي صدكَـ
أنـة ربحت الحرب  بَس خـسَّرت حلمي ..

زهراء: اني زهراء بنت ناديه و مؤيد .. اصغر وحده .. عمري ٢٢
ادرس بكليه قانون .. حلمي الي ماكو احد و مجان يعرفه انو ادخل كليه قانون و حققت حلمي و دخلت كليه قانون ..
عشت حياه بين اب ضالم و ام مفرقه .. ماما جانت دائما تفرق بيناتنه اني و خواتي .. و من اسئلها ليش تفرقين ؟
الجواب المعتاد .. كل وحده و معزتها عندي و ابين معزتي جانت تحت الصفر .. جنت اعرف بسوالف ابويه كوله بس محجيت لان جنت ضعيفه حيل و اذا احد ضربني راجدي انطيه الخد  الثاني لهل درجه !! جنت اخاف حيللل حيللل من عباس زوج امي .. الي كضيت عمري عبالي هوَ ابويه .. دخلت للمتوسطه جنت حيلل شاطره و بعدني شاطره ها ! بالمتوسطه شويه قويت أحــسن من الابتدائيه .. صرت  رئيسه عصابه اي صف اروحله و معروفه بالمدرسه بالوكاحـة و السان الطويل و ها ب الذكاء
أڪــثريه المدرسات جانُ يسموني انشتاين بسبب افكاري هههههه
جبت المتوسطه و الاعداديه شاطره بس بكل سنه تزاد وكاحتِ
و أڪــثر من مره تعاركت بالمدرسه ولان عباس جان قاضي يكدر يخلصني 🥳 .. جنت اتحمل تفرقه امي و كره زوج امي اليه
و دائما جنت اردد " فتــرة و تعدييييي " ما جنت ادري هل فتره راح تعدي و تخلص للابد ..
دخلت جامعه و جان كره عباس نفسه و تفرقه امي زادتتت أڪــثر
جنت مكروه بعائله عباس عماتي كولهن يكرهني بس لو اعرف السبب ارتاح ..
و ها بالمناسبه من جنت صغيره جنت سمره و عيوني زرك ..
و من كبرت تغير شكلي حيل سبحان الله ..
مَ جـان عندي حظ لا بالصداقه ولا بالحب
صديقاتي  فتره زينات و بعدين اكتشف هنَ انكس خلق الله ..
و أڪــثر صديقه خلتني ما اثق بالناس و اكره شيء اسمه صداقه
لينا صديقتي .. من السادس ابتدائي صديقتي لحد الكليه و دخلنه نفس الكليه .. جنت اعرف ب لينا تحب واحد الكاع زايعته و نسونچي بس تحبه حيل متكدر تعوفه و شكد نصحتها بس لا حياه لمن تنادي ..
يوم من الايام جنت كاعده بالجامعه و اجتنِ رساله من حبيب لينا
يهددني بصوري !! تفاچأت شجاب صوري عنده ؟ طلعت ست لينا اطكلي صور بدون ما ادري و ادزه الحبيبه .. هددني بصوري مقابل اطلع وياه !! و هوَ بعد وكع بايدي و اله اشوفه نجوم الظهر
قبلت و كلتله بعد ٥ ايام اطلع وياك مقابل تمسح الصور !
و بنفس الوقت رحت المكتب محامي صديق بابا .. و حجيتله السالفه كولها .. و انطاني حل و هوَ اروح للضابط همام و اطلب المساعده منه و صدك رحت للضابط همام .. الضابط همام اول ما شافني تفاجأ عبالك جان يعرفني .. حجيتله كولشي و اول سوال سئلني ياه .. " تعرفين تدريبات الدفاع عن لنفس ؟ " بوقتها جنت اعرف قليل و تعلمتها من المسلسلات .. جاوبتها ب " اي "
و حجالي مقترحه .. اروح ويه حبيب لينا و يجي همام يراقب من بعيد و من اضربه و يوكع بالكاع .. يجي همام ياخذه
و هم يصوره شلون يهددني حتى يكون عنده دليل ضد حبيب لينا
و صدك سويت مثل ما كال و لزموه و طلع مهدد أڪــثر من بنيه و من ضمنهم لينا .. مهددها بصورها و يمسح الصور مقابل تجيبله صوري !! و هيَ غبيه و مسويه مثل ميريد ..
مرت على السالفه ٣ اشهر بعدها اتصل عليه الضابط همام و طلب التقي بيه .. و راد يلتقي بيه يوم جمعه ..
اني ما اطلع وحدي ! شلون التقي بيه ؟
كلت الامي راح اطلع بحجه استنسخ اوراق بالمكتبه الي بصفنه
و امي اقتنعت و رحت التقيت بيه ..
طبعا الضابط همام ايه من الجمال .. هم شخصيه و هم سبع و هم حلو !!
من التقيت بيه طلب مني انضم للاستخبارات العراقيه .. اني مناقصني قهر و مشاكل رفضت عرضه .. بس ضل مصر
وراها بفتره توفو امي و ابوي و بقينه بس أحنــة .. و اطلكت زينب
صرت اشتغل و ادرس .. مر على وفاه امي و ابوي ٥ اشهر قررت انضم للاستخبارات العراقيه و ادور على سبب موت امي و ابوي
بيوم الخابرني الرجال و كلي على وفاه اهلي شكيت بَ ألمــوضـو؏!
و صار الف سوال براسي لذالك صرت ابحث عنهم .. الاستخبارات طلبو مني اصير عميله بـ جامعه الانبار كليه قانون .. و اني ابغداد !
طلبت منهم افكر بألمــوضـوع و اردلهم خبر.. من رجعت تذكرت الرقم الي امي انطتني ياه و اتصلت عليه و طلع خالي .. خالي من اجـة و كال راح ياخذنه للانبار عبالك نفتحت كل الابواب حتى اوصل السبب موت امي و ابوي .. وافقت انو اصير عميله بالجامعه
و بنفس الوقت طلبت منهم يبحثون عن سبب موت اهلي ! و تكفل الضابط زين بهاذا الشيء و من يومها اني و زين كل واحد يبحث عن هدفَ .. و بعدني لهاذا يومنَ أنقل اخبار كولشي يصير بالجامعه للمقر مال الاستخبارات.. رغم عرفت منو ابويه الحقيقي و كولشي
بس ما وقفت بحث عن سبب موت ناديه و عباس !
و متأكده اكو شيء كولش جبير وره موتهم!
و ليش امي انطتني الرقم و الورقه اله بهاذا اليوم ؟؟
هواي اسئله براسي بس مراح الكه الجواب اله اعرف السبب وره موتهم ..
اليوم رجعت من الجامعه وحدي طيبه كالت أتأخر فَ رجعت وحدي عجبني اتمشى وصلت للبيت و اشوف ميت الف سياره كبالنه و الدنيا مكلوبه طبيت اركض للبيت و اشوف اباب الصاله ميت الف حذاء مال زلمه !
و زينب كاعده بالمطبخ و حاضنه غدير و تبجي و ترجف رحت ركض عليها مرعوبه
زينب شبيج شكو؟؟؟؟
زينب راسا حطت غدير بالحجله و حضنتني قوي و تبجي و تناشغ مثل الطفل !