طريق المدينة

بارت الــ ٢١

قصه : طريق المدينه ..
للكاتبه : زهراء علي شناوه ..

كهوه عرب ..
ما يجرعها بس الشيوخ 🖤 ..
__________
زهراء: سمعت كلام يوسف و تخبلت طلع الصوج كوله بيه و اني ممسويتله شيي !!
اخذت شالي و دا ادخل للصاله وكفت .. يوسف صح حاول يتحارش بطيبه و بيه .. بس مئذانه! و اني ضربته يعني ائذيته!!
و هيج راح يروح حقي و كل الحق راح يصير ويه هل عار ..
باوعت على يمينِ .. حافه الحايط حيل اتئذي يعني اذا احد ضرب ايده بيها اقل شيء تنخلع!
كفيت ارداني.. و ضربت ايدي بيه قوي ..

زينب : ولج زهراء شدا سوين ايدجججج!!!!

زهراء: اششش أسـڪــتي
رجعت ضربتها بعد اقوى و حسيت ايدي نكسر العضم بيها !
حطيت الشال على راسي زين و دخلت عليهم ..
اول مدخلت كولهم ضلو صافنين !
رحت راسا على يوسف و كلت ..
ولك عار متخاف الله تجي تحجي على شرف و عرض الناس
ولك انتَ لو عندك ذره اخلاق و شرف جان محجيت هيج بس شنسوي " كلمن يرى الناس بعين طبعه "

فهد : ما يصير مره تدخل بنص الزلم !

زهراء: و انتَ منو ذابلك عظم حتى تحجي ؟؟؟؟؟

مهيمن : زهراء طلعي برهههه!!

زهراء: ما اطلع ولا امشي منا الهنا
اله و اني مآخذه حقي من هل عار !!

رجل من عشيره الولد : بنيتي رحمه على والديج اطلعي بره
و خلي أحنــة الزم نحجي بَ ألمــوضـو؏..

علاء : زهراء مراح تطلع من الديوان !
مو قبل شويه ردتو تجي تحلف ؟
هايَ زهراء و مستعده هسه تحلف و تحجي الحقيقه ..

زهراء : اباوع على يوسف الصم..
محجه اي شيء ! عوزه يحجي !

رجل من عشيره الولد : جانت جلمه و نكالت ما يصير البنيه توكف بنص الزلم .. و هيَ بنيه شابه و ما يصير يا عشيره تراضاها ؟؟؟

زهراء: يصير .. لان من اشوف حقي دا يروح و واحد نكس مثل ابنكم .. دا يحجي على شرفي و اخلاقي بطريقه سيئة ..
ابقه ساكته و انتضر شوكت تخربون سمعتي و حياتي ؟؟

ابو فهد : خليها تبقى و تحجي و خل نشوف يا جذبه راح تحجي !

ادهم : ابو فهد انتَ شيخ و معروف .. عيب تحجي هيج حجي على بنيه بكد بنتك .. مثل ما سمعنه ابنك تسمعون بنتنه.. 

يوسف : عوفج من سوايتي ليش ضربتيني اني شسويتلج و تضربيني بهل طريقه الوحشيه ؟؟

زهراء: اجيبلك ممه شو راح تبجي ؟
اباوع على خوال قسوره و ولد خالو علاء و اخواني كولهم ضمو الضحكه بالكوات ..

يوسف : عيب عليج هل حچي ..
انتِ لو ما خايفه مني جان مضربتيني!!
و اني لان مو من اخلاقي امد ايدي علمى مره محجيت وياج شيء !