طريق المدينة

بارت الـ 32 .

قصه : طريق المدينه ..
للكاتبه : زهراء علي شناوه ..

زينب : اليوم راح نروح للنجف و كربلاء و شريفه بنت الحسن ..
حضرنا غراضنه و غده و ريوك راح ناخذ ويانه .. طبعا ما عدا تبارك لان بشهر الـ 9 هيّ بس .. راحت البيت اهل اصاله و قيس اجه ويانه و طيبه راس بصل يابس اله تجي بالرغم هيَ هسه بالشهر الـ 4 ..
صعدنا بالكوستر هل مره اكبر جايبي لان كولنا راح نروح و خالتي معزز اجتي ويانه هيَ و بنت بنتها و ابنها و مرته ..
صعدنا كولنا بقو اخر شيء بس زهراء و ايوب ..

ايوب : الله مصلي على محمد و ال محمد
وين نصعد أحنــة ؟

مهمين : اصعدو انتَ و زهراء و كعدو هناك ..

زهراء: سويه نكعد هناك ؟

فضه : عادي خاله انتو اخوه ..

ايوب : صعدي عيناي خل نكعد هناك ..

زهراء: صعدنا اني و ايوب و المكان الي كعدنا بيه جان قريب على الاخير ..

قيصر : دا أحــچي ويه دكتور ويانه و انطي معلومات عن مريض .. اجوي ايوب و زهراء و كعدوهم قبل الاخير .. اعرف كولش زين ايوب يحب ملاك و يعتبر زهراء اخته بس الغيره صعبه
و اكلتني اكل كمت اكل بروحي من اشوفها كاعده بصفه .. و ما اكدر أحــچي هم !!
يا طلابه ما تفض .. دزيتلها رساله ..
كومي من يم ايوب ..

ايوب : شوفي ملاك اكلتها الغيره هههههههههههههههه

زهراء: اكولك خل تجي هيَ تكعد يمك و اني اروح بالاخير خطيه يمعود ..

ايوب : لا لا عوفيها خل تموت بغيرتها ههههههههههههههههه

زهراء: خوش لكيتلك شيء تتونس عليه هههههههههههه
دا أحــچي ويه ايوب اجتني رساله .. فتحتها من قيصر
مكتوب بيها " كومي من يم ايوب "
رديت عليه
ليش ؟

قيصر : كتلج كومي !!

زهراء: ما اكوم !!

قيصر : زهراء راح اجيج !!!!

زهراء: تعال .

قيصر : لا اله الا الله
ولج غضبببب كومي من يم ايوب لا اجي اركع راس بَ راس ..

زهراء: باي ..
سديت التلفون و شكد ما يدز ما ارد عليه خهخهخهخ عباله اني هينه و يكدر يتحكم بيه خهخهخهخ..
بس بعد هوَ سيد و الي يريده يصير ..

ملاك : شفت ايوب و زهراء يشاقون سويه و يضحكون و هوَ ولا هامهَ اني نار و شبت بيه ..
ردت بس شيء اسويه حتى لو هوَ يكوم لو هيَ ..
اني كاعده بالاخير و بصفي امي و خالتي معزز و زينب ..
شاورت زينب و كلت ..
زنو طلعيلي حجه حتى اكوم منا ..

زينب : ليش شبيج ؟ مضايقه ؟

ملاك : اي شويه مضايقه خل تجي زهراء هنا لان هيَ اضعف مني و تكدر تكعد هنا ..