طريق المدينة

بارت العاشر

قصه : طريق المدينة.......🤓🖤.!!
للكاتبه : زهراء علي شناوه....... 🤓🖤.!!

♾♾♾♾♾♾♾♾♾♾♾♾♾♾

قيصر : على السواه ما اسامحه الاخر يوم بحياتي و اذا رجع لو اني لو هوه نبقه بهاذا البيت..

علاء : قيصرررررررر
هاذا اخوك مو غريب مو هوه السبب بكولشي السبب خطيبتك الي ما اعرف منين جبتها

قيصر : انتو الي خليتوني اوصل لهل مرحله بيومها وكفتو وياه و حسستوني اني مو ابنكم

فضه : وليدي احنه وكفنه ويه الحق جان الحق ويه اخوك

قيصر : الحقققق ويا حققق هاذا؟؟
انتو دائما تفرقون بيناتنه قبل كم يوم فرقتي بين حسين و ايوب و خليتي حسين يضوج من أيوب و فرقتو بيني وبين راهب و هسه اجيتو تحجون؟؟
انتوووو دمرتو حياتنه بأيدكم زرعتو بكلوبنه الحقد و الغيره و العصبيه

علاء : انتو كولكم ولدي و اني مستحيل افرق بينكم كولكم قطعه مني لتضل تحجي هيج
و من زرعنه العصبيه و الغيره بكلوبكم ردنه نسويكم زلم سباع

قيصر : يابه شكد مراح احجي مراح تفهم لان بالنسبه الك انو بس كلامك الصحح
عفت امي وابوي بالغرفه و طلعت

زهراء : فتت من يم غرفه قيصر سمعت قيصر يكول
انتو فرقتو بيني و بين راهب انتو دمرتونه
تعجبت من كلامه ردت اسمع اكثر بس مكدرت لان قيصر طلع
ضليت افكر منو راهب ؟؟
و شنو دمرتونه شسالفة؟؟
مر اليوم عادي و قيصر ما رجع للفجر
الصبح نفس الروتين بين الجامعه و غدير و العائله

طيبه : العصر جنه كاعدين بالهول
اني و زهراء ندرس و جنه تهتم بادم و ايه بغدير و تبارك طاكته بصفنه و كولسع تضحك و الشباب كوله فوك ما عدا حسين و ايوب
منحس غير حسين فات مثل الثور الهايج

حسين : قيصرررررررر قيصررررررررررر

جنه :' ولك شبيك تعيط ؟؟؟

حسين : وينننننن قيصررررررررررر؟؟؟

قيصر : ها حسين شبيك

حسين : لك انتههه شنو من بشر لكك اخوك يريد يرجع و انته معارض انتو شنو من إنسان؟؟؟ كلبك مليان حقد و كره

قيس : هوب هوب اوكف شبيككك؟؟

قيصر : اخوه يريد يرجع و لان اني مقبلت كلب الدنيا

قيس : راهب يريد يرجع؟؟؟

حسين : اي راهب يريد يرجع و الاستاذ هنا يكول اذا رجع راهب اني اطلع من البيت بسبب حقده و انانيته

أدهم : انته جنك  نسيت سوالف راهب؟؟؟

حسين : منسيتتت بس يبقى اخونه من لحمنه و دمنه
قيصر الاضفر مينشلع من الحم انته مناوي تنسى كولشي مناوي تسامح راهب؟؟؟

قيصر : لو جنت بمكاني راح تسامحه؟؟؟؟
لو اجتك خطيبتك و كلتلك اخوك يتحارشش بيه راح تسامحه بعدين؟؟؟؟
لك اني ما صدكتها اله شوفتني صور الكلام ممكن يجذب بس الصور مجذب
اذا ميعجبك الوضع روح يم اخوك