طريق المدينة

بارت الــ ٢٢

قصه : طريق المدينه ..
للكاتبه : زهراء علي شناوه ..

على كيفج يا دنيا شبيج هيج وياي ؟
على بختك يحضي شبيك ما تكعد !
جبناهه حزن بس ضيم بس اهات ..
شماردنا الفرح من عندي اشو يبعد ..
تمطر بس امل الدنيا للموزين ..
و عليه بالمصايب دوم ترعد ..
اجر الفرح كوه الخاطر العين !!
تهد جفون الرمش و بساع تشرد ..
يا كلمه السعاده بالله وين الكاج ؟؟
وين افرح عليج وين افتح السد ؟
على ضيم الكلب محد يسئلني بيوم ..
و بس تضحك عليه الناس تحسد ..
الم جروح كلبي وكوه اهدي الحال ..
كل ساعه الجروح تحارب و تمرد ..
و اخيرا يا صبر روح الله وياك ..
بقت هيَ عليك شبيك ما تبتعد ؟

بعد مرور شهرين ..

تبارك : اليوم الحنه مالتي .. راح يسوون بيت خالو حنه للشباب يم بيتهم .. و يجيبون فرقه موسيقيى يعني راح تعلك ابيت خالو هههه..
و اني محبيت اسوي حنـة جبيره .. حنتي جانت بس اهل خاله عتاب
و صديقاتنه.. و خالاتي و خوالي يم قيس 🥰💔 ..
يعني اهل خاله عتاب صارو اهلي ..
شرد اوصفها الخاله ؟ انسانه كلبها طيب و حبابه
و مر ٧ اشهر من اجيناهم و ابدا مسامعين منها كلمه غلط او كلام محلو ..
البنات جبرني البس بدله لون بنفسجي كولش حلوه بس يا اخي دلعه مالته كولش جبيره ..
لبست البدله و اشوف صدري كوله طالع شسالفه!!
بنات الدلعه جبيره حيلللل !!

طيبه : اي و شكو بيها ؟

تبارك: بنات خل نحط شيء نخفي بيه الدلعه!!
شهكت زينب و كالت ..

زينب : لااااااااااا مستحيللللللل ولا تفكريننننن والله اموتج تخربين ستايل الفستان !

تبارك : جاوبتها بضيق و اني الملم دلعه الفستان ..
مـا مرتاحه احس روحي مصلخه !!

هيام : خاب شوف هاي مصدكه روحها لابسه بدله !
يـابة دروحي شوفي البنات شنو يلبسن بحفلاتهم
لا يبقن صدر ولا سيقان و داعتج اصلا حفله الحنه مسويها لعرض البضاعه على العريس المكرود حتى يعرف فلوسه ما راحت على الخالي بلاش ..

زهراء: تخوفين انتِ ..

تبارك : لا يمة ألحمــدللّٰـه قيوسي مراح يجي الحفله ..

هيام : خايبه والله انتِ فطيره و على نياتج ..

زهراء: المهم بنات ..
امشي تبارك خل نكعدج بالصاله ..

تبارك : و البدله ؟

زينب : اموتججج اذا سويتيله شيء !!

تبارك : احس روحي كاعده بساحه حرب ☺️💔 ..
فتحت للصاله و فتحو الاغاني و علكت هههه..

ايه : اليوم حنه قيس و تبارك .. مرحت يم تبارك بقيت يم خاله و جنه ساعدتهم .. البيت متروس ناس و الشارع متروس زلم
الشارع مليان دكاتره على ضباط على عميدين على طيارين
مشكل يا لوز.. لكط و اخذ ههههه ..
خوب قيس طالع يجننن هوّ اصلا كشاخ من زمان و ملابسَ كولها ماركات عالمية و حلوه .. فَ طلع يجننن ..
اما ادهمِ لو يلبس كونيه يطلع حلو 🥺 ..
جـابو ديجي و فرقه موسيقي و علكو الحنه علك..
جانو الزلم كولهم بره و بدت الحفله ..
ما نشوف بس حسين يفتح اغاني و يركص و كال بصوت عالي ..