طريق المدينة

بارت الــ ٢٨

قصه : طريق المدينه ..
للكاتبه : زهراء علي شناوه ..

( حال حسين )

ما ميت كبل بس شايف تابوت ..
لان كل ما انام اتحلم بَـنـعشي ..
انـة امبـلـل رموشي بَـدمعه المعتاز
انـة دموع الفرح ما وصلت الـرمشي
وكـت الخـير عشتـة و ما شـفت بيـة خير ..
صـاحـولي مـلك بـس ما شـفت عـرشـي ..
عـندي عيون بس محسوب على العمـيان ..
انـة مفتح و لـكـن ما شـفت كلشي  ..
أحـلم بَـلـفرح و اتـرس الضلمـة احـجـار
ضـل هواي ليش نكول ما ضل شيء .؟

زينب : بس كال عمو هيج منحس غير طيبه توكع بالكاع .. جان راهب قريب عليها راسا سندها..
رحت عليه اضرب على وجه و ارش مي ماكو متصحى

زهراء: طيبهه طيبهه اصحي .
فتحت عيونها طيبه و كامت تلطم و تبجي بصوت عالي تكسر كلب الكافر ..

طيبه : حسيننننن حسيننن ميعوفني حسين يحبني ميعوفني هوَ كلي راح يبقى ويايه للابد حسينننن ميعوفني
حبابين ودوني الحسين ابوس ايدكمممم ودونييي الحسينننن

ايه : اهدئي طيبه اكيد نوديج .. بس كومي
كومنا طيبه و رحنا للمستشفى بقو بَ البيت ..
" تبارك ، زهراء ، هيام ، ملاك ، مجتبى ، مرت خالي محمد ، خاله عتاب "

تبارك : راحو كولهم للمستشفى و بقينا بس أحنــة الخوف مسيطر علينا و خايفين حيل .. حسين و عناد شلون اثنين همَ الي محلين حياتنا ..
اوففف سوده عليه إنــشاءاللّٰـه يكومون بالسلامه ..
هيام حالتها حالـة على لحظه يوكف كلبها من الخوف و الدمعه بطرف عينها بس متكدر تبجي خوفاً من خاله ..
زهراء حاطه ايدها على راسها و صافنه عبالك بغير وادي
ملاك متوتره حيل و الخوف ابين عليها .. مرت خالي و خاله عتاب دا يدعن يكومون بالسلامه ..
كامت زهراء فجاءة صعدت فوك .. محجت ولا كلمه .. اني بالكوات اصعد و انزل الدرج راسا رحت وراها

زهراء: احس كلبي على لحضه يوكف الخوف مسيطر عليه تعبت من كل هاذا تعبت من الموت من فقد الاحباب تعبت من كولشي اريد يوم واحد بس يوم واحد مابيه حزن !!
دائما من اختنك و اخاف اصلي .. صعدت فوك اتوضيت و فرشت السجاده و صليت جانت الساعه ١٢:٠٠ يعني صلاه الضهر ..
رفعت ايدي ادعي و كلت ..
ربي شافي و عافي حسين و عناد .. اذا صار شيء بحسين طيبه تموت متتحمل طيبه فقيره و من اهل الله و بعمرها مغلطانه بشيء ويه احد لا تحرك كلبها بموت حبيبها و زلمتها
ربي عناد اخويه و صديقي و ابويه و سندي لا تفجع كلبي بيه ما اتحمل بعد اي شيء تعبتتت حيل انهد حيلي اني مو نفسي زهراء القديمة القويه اني ضعفت شكد ما يشوفوني الناس قويه بس بداخلي حرب بعمرها مراح تخلص .. ربي اخذ عمري ولا تاخذ اخويه
فززني صوت تبارك ورايه ..

تبارك : لا زهَــرة انتِ اقوى وحده بيناتنه و اشجع بنيه شفتها بحياتي مضعفتي ولا راح تضعفين كافي تبجين راح يصيرون زينين لتخافين حبيبي ..