قصه : طريق المدينه ..
للكاتبه : زهراء علي شناوه..
حسين لزمني قوي من ايدي و جان يحجي من وره سنونه و ابين شكد عصبي
ما ردت اصر عليه و اكدر أحــچي وياه و هوَ بهل عصبيه
راسا سحبت ايدي منه و عفتَ بدون ما أحــچي اي شيء وياه و رحت للمطبخ حتى افهم كولشي لو من خاله لو جنه
شفت جنه و اكفه اطلع شيء من الثلاجه رحت عليها ..
جنه ؟جنه : ها حبيبتي !؟
طيبه :جنه شنو سالفه صديق حسين ؟
و منو هاذا الكتله!؟
انتبهت على جنه جرت نفس بنفاذ صبر و كالت ..جنه : كعدي داده خل احجيلج..
قبل 4 سنوات قبل متجون بـسنتين اشخاص حاولو يقتلون حسين و بيوم الي اطلقو النار عليه جان وياه صديقه ضرغام
بيومها ضرغام دفع حسين و صارت كل الطلقات بـضرغام و توفه و من يومها حسين مجروح كلبه و يريد بس ينتقم الموت صديقه
و اليوم عرف منو قتل صديقه و قتله ..طيبه : ضليت صافنه على كلام جنه
و اني مثل الغبيه رحت حجيت على حسين و غلطت وياه
شسويت اني ؟؟ خرب بيومي !!
رديت على جنه ..
زين ليش ما سجنه ؟؟
ليش ما خله المحكمه القانون هوَ يشوف شغله وياه ؟جنه : طيبه حسين من يحط شيء براسه يسويه لو يوكف بوجها كل العالم
و هاذا الشخص قتل صديق عمر حسين
مستحيل يسكت و ما يكتله!طيبه : ما اعـرف شكولج !!
زين اهل الولد القتله حسين شنو راح يسوون ؟؟
يعني ممعقوله يسكتون ؟؟جنه : هنـا ألمــوضـو؏ راح يكبر و اهل الولد مستحيل يسكتون !!
يعني راح تقوم القيامه ..طيبه : خـايفه على حسين لا يتئذى!
جنه : لتـخافين انتِ كاعده تحجين على ذيب
و الذيب ميهزمه ولا يخوفه شيء
حسين راح يتفادى ألمــوضـو؏ و هسه شما يصير مراح يهمه لان اهمشي سوه الي براسهطيبه: إنــشاءاللّٰـه خير و يمر هل شيء على خير ..
.........................
قسوره: هستوني رجعت من الدوام تعبان استقبلتني هيام او بالاحرى " جبوري "
هيام : حيو قسـوره الراجع من الدوام تعبان
هو هو هو ..قسوره: يمكن رب العالمين من وزع عقول نساج
بس فهميني شلون راح تصيرين دكتوره ؟
انتِ المفروض تصيرين ثورههيام : هسه مو زين استقبلك استقبل حلو و محمس
ام قسوره : يا يمه خلي الولد يفوت اجهَ من الدوام تعبان و انتِ استقبلتي!
تعال يمه تعال فوتقسوره: السلام عليكم يمه ..
ام قسوره : و عليكم السلام يا بعد بيتي
متغدي ؟قسوره : لا والله جوعان
ام قسوره : هيام صبي الاخوج غده
هيام : هسه ..
أنت تقرأ
طريق المدينة
Actionالقصه تحجي 5 خوات تبارك و زينب و ايه و طيبه و زهراء القصه راح تحجي عن حياتهم اول بارت حياتهم بسيطه لحد ما أهلهم امهم و ابوهم رادو يرحون لمكان بس همه و امهم قبل لتروح انطت الزهراء رقم و عنوان و راحو و هنا كانت المفاجأة و أهلهم يسوون حادث و البنات يبق...