طريق المدينة

بارت التاسع

هلا حبايب 😌🖤
ضلوع ترا والله اوكلكم جبس حار اذا ما دستو النجمة... 🐸 يعني والله القصه مراح تصعد اذا ما دستو النجمة ف دوسو النجمه و صعدو القصه و خلو يصير عندي حماس اكتب 😂😂🪐
المهم ما اريد أطول عليكم ف هسه شوفو الأحداث الي اطك بلكاع 🌚🖤
بوسات و حضنات حقيقية و الكترونيه الكم 💗💓💞💕💘💝💖
قصه : طريق المدينة...... 🪐🖤
للكاتبه :زهراء علي شناوه...... 🖤🕯️

_______________________________

علاء: انفجرت قنبلة بالمطار اليشتغل بيه قيس

فضه : يمههه يمهه وليدي قيسس شلونه وليدي شلونه؟؟؟

تبارك : من سمعت كلام خالو اختنكت و بالكوات كدرت اجر النفس و خفتت حيل جسمي كوله كام يرجف

صبيحه : ولج فضه لا تبدين تلطمين
يمه شلونه قيس تدرون عنه شيء؟؟؟

حسين : قيصر جان قريب على الانفجار و راح لمكان الانفجار

علاء : احنه هم راح نروح ديرو بالكم تسوون شيء بدون علمنه مفهومممم؟؟؟؟؟؟
زهراء البيت هنا بامانتج انتي اكثر وحده ممكن أكدر ائمن تكدر تحميهم

زهراء : تمام خالو روح و انته مطمن
راحو خالو و حسين و احنه كعدنه على نار ننتظرهم و كولسع خاله ادك على واحد من الولد و ولا واحد يجاوب ضلينه كاعدين لليل الساعة بل 12 دكت خاله على ايوب و اخيرا جاوبها

فضه: يمه أيوب بس كولي قيس شلونه؟؟؟؟

أيوب : يومم ما أكدر احجي وياج باجر نرجع و تعرفين شلونه

فضه : وليدي بس كولي زين لو لا؟؟

أيوب : زين زين مع السلامة

تبارك : طول ما كاعدين ننتضر و اني أقره قرآن و ادعي يكون بخير متتت من البجي حبست نفسي بالغرفه اخاف ليشكون بيه انو احبه
ربي لتختبرني بيه والله احبه حتى حيل احبه ما اتحمل فراق بعد ما اتحمل احضر فاتحة اعزازي بعد
جنت ادعي و ابجي

طيبه : صار الصبح و محد نام كولنه خايفين اجو الصبح بل 8 و جان وياهم قيس قيس مابيه شيء بس ايده مكسوره و مجبسيها بس قيس جان جسم بلا روح يمشي بالكوات و وجه تعبان

فضه : يمه وليدي شلونك الحمدلله على السلامه يا بعد روحي

قيس : الحمدلله يوم مابيه شيء

حسين : يمه تعالي احجي وياج كلمتين
اخذت امي و وكفنه على صفحه

فضه : خير يمه شكو؟؟؟

حسين : يمه قيس تعبان حيل فقد صديق طفولته و شاله بايده و هوه مليان دم و و شاف اشياء محد يتحمل يشوفها لتضغطون  عليه عوفوه براحته

فضه : يمه سوده بوجهي صخام الصخمج فضه الله يساعد كلبك وليدي

حسين : يمه لتحجين هيج بس ادعيله ربي يهدي كلبه و يصبره