طريق المدينة

بارت الـ 55 ..

قصه : طريق المدينة ..
الكاتبه : زهراء علي شناوة ..

زهراء : تركت قيصر و ركضت دخلت جوا الدنيا قربت تصير ضلمه و المكان يادوب فيه ضوء فتحت ضوء صغير عندي .. انيوببب انيوببب انيوببب
كل صراخي و ماكو اي جواب انتبهت اكو ممر صغير ما انتبهت اله من البدايه كنت خايفه من ضلمة المكان و اصوات الكلاب القريبه و صوت الطيارات الي ممكن تفجر المكان بَ اي دقيقه وترني مع ذلك بقيت اقرا ايات قرانيه بكلبي و دخلت شفت غرفه بيها ضوء مفتوح و مابيها باب ركضت عليها و اشوف انيوب واكع بالكاع و فوكاه الباب و واكف فوك راسه شخص و حاط المسدس براسه ..

شخص : و اخيرا اجيتي جنت متاكد راح تدخلين تنقذينه ..

زهراء : منو انتَ ؟

شخص : شخص مكلف بقتلج .. اذا تريدين يعيش خطيبج لازم تتخطيني يلا تنقذينه..

زهراء : انيوب ليش فاقد الوعي ؟ اذا متأتي ولو شوي احركك و انتَ عايش

شخص : ههههه مابيه شيء مجرد ضربته ابره مخدره و فقد الوعي و شوي ايده مكسوره لان عاند هواي و ضربني هواي حتى يلا كدرت افقده الوعي

زهراء : شنو تريد انتَ؟ انيوب ماله ذنب بَ اي شيء دا يصير ..

شخص : ما علينا اذا عليه ذنب او لا هو جان الطعم حتى يدخلج ليهنا..
اذا قاتلتيني و فزتي عليه راح اخليج تطلعين منا انتِ و هو بس اذا خسرتي راح اقتلع عيونج و اعرضها للبيع ..

زهراء : اشرتله بَ ايدي بمعنى " تعال "
هو ضخم حيل و طويل و بعده بحيله و اني تعبانه بعدني دايخه من الصعقات الكهربائية ..
شمر سلاحه و اجى يركض عليه اول ما صار قريب عليه ضربته على بطنه .. دا اضربه بوكس ما احس غير يحسب ايدي و يخنكني .. اختنكت حيل و صوتي اختفى الشيء الوحيد الي خطر بَ بالي التدريبات الي علمني عليها همام .. ضربته قوي بعكس ايدي على بطنه و لويت ايده.. دفعني قوي و على اثر الدفعه اثنينا وكعنا بعدني ما كايمه من الكاع ما احس غير يلزمني من قميصي و رجلي و يشمرني على الحايط جانت الضربه حيل قويه حسيت عمودي الفقري اتكسر تكسر ردت اكوم بس ما عندي قوه ما اكدر ..
صار يضحك ضحكه مستفزه حيلل لا زلت اتذكرها و هو يستهزء بضعفي و عدم مقدرتي على الوقوف ..

شخص : ههههههههههههه ها وين القوه ؟؟ شو من وصفولي زهراء فكرت ما راح اكدرلج ابدا بس طلعتي سهله حيلل خطيهه انيوب جان مفكر خطيبته انسانه قويه بس طلعت اضعف ما خلقه الله .. بس عليج ذوق  جدا جذاب و جميل منين لكيتي هيج  واحد ؟ حلو و ملامحه حاده و للامانه هو سبع بي الابرة كسرت بيه ..

زهراء : يحجي عن انيوب و يلزم وجهة بطريقه مستفزه  حيلل اخر شيء انهى كلامه و حط السجينه على ايد انيوب و صار يضغط على ايده و كال ..

شخص : يال سوء حضج شكله خطيبج راح تكون نهايته مثل نهاية امج ضحى بحياته لاجل تعيشين انتِ و امج ضحت بحياتها لاجلج  هههههه خطيه ..