طريق المدينة

بارت الـ 38 ..

قصه : طريق المدينه ..
الكاتبه : زهراء علي شناوة..

زهراء: شنو قصدك بَ اخويه الجبير ؟؟؟

زين : اعرف انو هاذا الكلام مراح يعجبج و مراح تقتنعين بيه بس هاي الصراحه و الحقيقه زهراء اخوج الجبير فهد هوَ السبب بَ كولشي صار بَ همام و بيج ..

زهراء: اخويه الجبير فهد شنو ؟؟؟؟؟؟؟؟؟

زين : زوج امج عباس عنده ولد غير شرعي اسمه فهد .. و فهد هوَ نفسه اخو يوسف الي قبل سنه تقريبا جانت عدكم كعده وياه ..

زهراء : شنو تضحك عليه انتَ ؟؟؟؟؟؟

زين : وداعت امي مدا اجذب عليج .. فهد يعرف هوَ السبب بكولشي انتِ دا تمرين بيه هسه .. موت ابوج و امج موت اخو همام..
زوج امج عباس كان عنده علاقه غير شرعيه ويه امراءة .. و من صارت حامل عافها.. ام فهد من جابت فهد انطته الامه الحاليه
هاي المراءة جان ميصير عدها جهال لذلك اعتبرته ابنها بعدين صار عدها يوسف و اخو و اخته .. بس بقى هاذا العزيز عدها بس المشكله ربتها و هيَ تملي كلبه حقد و كره تجاه عباس .. و جان كل همَ يقتله و يخلص من عنده و يخليكم تعيشون مرارة الفراق مثل ما عاشها هوَ .. لذلك اتفق ويه شخص ابو لوري يدعم سياره امكم و ابوكم .. و حضر فاتحه ابوكم و امكم و جان فرحان خلاكم تعانون و تبجون .. بس من شافج متبجين و مزعلانه اختفى كل فرحه ..و قرر يقهرج أڪــثر .. و دور عليكم و لحكم بكل مكان و بالاخير اتفق ويه اخوه يوسف حتى يسوي وياكم مثل ما صار .. و من صارت الكعده جان هاذا الشيء بمناسبه فرحه جبيره اله انو راح يهينج.. بس لا انتِ كسرتي مره ثانيه بقوتج من هنتي اخوه كدام الكل .. بعدها من خربت كل خططه قرر يتقدملج و من يتزوجج يعذبج و يذلج و يطلكج.. بس هم فشل بهاذا الشيء .. و بالاخير يورطج بموت همام بس وكعت بّ اخوه و هم فشل .. بالمختصر مكدرلج بكل الطرق و شكد حاول يشوفج تبجين و مذلوله بس ما كدر.. لهاذا السبب حقده ضدج دا يزيد يوم عن يوم .. و مو بس حقد تكدرين تكولين صار مهووس بيج و بقوتج و بجبروتج..

زهراء: و انتَ جنت تساعده بكل هاذا ؟

زين : بس من حاول يورطج بموت همام .. بس والله مقصدي أذيج اني أحبــچ و احترمج و كولش عزيزه عليه انتِ بس مكدرت عائلتي اهم ..

زهراء: كوم زين روح ..

زين : زهراء بس ربي يشهد عليه ما فكرت ولا يوم أذيج و جنت وياج و بجانبج دائمآ..

زهراء: ههههههههههههۂ ضحكتني بجانبي !! انتَ تعرف منو قتل امي و ابويه و جنه ضام هاذا الشيء عليه و اني أمنتك حتى تعرف هل شخص و تكولي بس طلعت مو رجال و كد كلمتك و تخاف من خيالك ..

زين : اتقبل كل الكلام منج .. بس مكدرت أحــچي افهميني .. بس احسبي ألمــوضـو؏ براسج عائلتي لو انتِ !! و اني شيء اكيد راح اختار اهلي .. جنت احاول المحلج بس مكدرت بكل مره حاولت اساعدج يدزلي رساله تهديد جديده !