طريق المدينة

بارت الـ ١٩

قصه : طريق المدينه ..
للكاتبه : زهراء علي شناوه ..

هيام : عناد اكو سوال هسه اجه ابالي اريد اسئلك ياه !

عناد : اي عادي اسئلي ..

هيام : انتَ هم اكو احد بحياتك ؟ يعني اكو بنيه تحبها هسه ؟

عناد :ليش هل سوال ؟

هيام : هـيج مجرد سوال ..

عناد : اي اكو بنيه معجب بيها .. ما اعـرف اذا هيَ تبادلني هاذا الشعور
بس اني كولش معجب بيها هيَ مجرد النظره لعيونها عافيه ..

هيام : كلام عناد كفخني راجدي صحاني على زماني ..
اني معجبه بيه و هوَ معجب ببنيه طلع !
دا أحــچي و اجتي زهراء..

زهراء: هــآ توم و جيري بعدكم تتناكرون ؟

عناد : لا يـابه ..

زهراء: عناد الزم غدوره بس خل اسويلها ريوك ..

هيام : عن اذنكم..

زهراء: هيام شبيج ؟

هيام : مابيه شيء ..

زهراء: شبيها هيام قبل شويه جانت مابيها شيء !!

عناد : شمدريني شبيها !

زهراء: و انتَ شبيك عصبي ؟

عناد : مو عصبي .. انطيني غدير و روحي سويله اكل ..

زهراء: ما جادلت عناد لان عصبي .. انطيته غدير و رحت اسويلها اكل .. هوَ بس يلعب ويه غدير يهدء
اسوي اكل و اسمع عناد يكول الغدير ..

عناد : كولي خالووو ..

غدير : ابه ابه ابه .

عناد : اشتعل ابوج ..
لا كوليي خالووو ..

زهراء: صعبه عليها مراح تلفضها ههه
اني تسميني اياه..

عناد : لعد خل احاول اسمي
كولي عناد .. عناددددد

غدير : اتات..

زهراء: هاي عناد بطريقه غدوره ههههههههه ..

عناد : فدوه اروح للبنات اني ..

زهراء: كملت اكل غدوره و حطيته على الميز ..
رحت جبت الكرسي مالتها .. كعدتها بيه ودا اوكلها و أحــچي ويه عناد .

عناد : البارحه طيبه جانت طالعه كولش حلوه ..

زهراء: اي حلوه و لو تشوف الفرحه الي بعيونها ..

عناد : تدرين لو بيدي ما اخليجن تزوج تبقن يمنه
أحنــة مصارلنه هواي تعرفنه على بعض
بس الله شاهد شكد أحــبڪم .!
اني طول حياتي جنت وحيد و بعمري ما ضكت طعم العائله
تدرين بس هايَ كعدتنه بالنسبه اليه هواي كولش هواي ..

زهراء: أحنــة نحبك أڪــثر عناد ..
صح أحنــة بعدنه ممتعرفين على بعض أڪــثر بس تعلقنه ببعض عسريع ..!
و هـآ لتخاف اني و زينب راح نبقى كاعدين على كلبك منعوفك هههه ..