دارت الدنيا لتدق طبول قلبي

البارت الثالث

( شهر عسل مر )

ملاك : منو كال لصعب و وينه هسه؟
ناهد : ما اعرف كاعد اتصل محد يرد هالمرة ظل بالي.

ملاك : عمي طالب عرف صعب رامي بيتنا.
ناهد : لا مايدري بصعب احمد اتصل عليه وكاله اجتي سيارة رمت على بيتنا ومايدرون منو.

ملاك : يارب يعرفون يارب.
ناهد: انتِ صدك تحجين؟

ملاك : اي صدك اريد الكل يعرف بحبنا وشلون ظلمتونا..

ناهد : ملاك لاتشوفيني متعاطفة وياج ترة سالفتج ماتنبلع ولوما ابوج كسرج هاي الكسرة جان عرفت شلون أأدبج .

ملاك : شنو سويت هاا شنو سوويت وين الغلط اذا حبيت ابن عمي وعلاقتنا شريفة.
ناهد : صوتج من وين اجتي علاقتج شريفة مو ابوج لزمكم بالحديقة لاتخليني انفجر بيج هسه واطلع حركتي..

ملاك : يله انفجري ظلت عليج انتِ.

خزرتني وتقربت مني توصيني محذرة.

ناهد : ياويلج ياملاك اذا حجيتي شي كدام بيت عمج لو بينتي انتِ تحبين صعب.

رفعت عيني وباوعتلها.

ملاك : اذا حجيت شنو تسوون عندي فضول اعرف.

حجيتها وكتفت ايدي..

ناهد : انتِ عاجبج تنذبحين..

ملاك : وليش لحد الان مانذبحت انتوا ذبحتوني وذليتوني شنو بقى ماسويتوه بيه كوليلي شنو؟؟

ناهد : اسكتي اجه زوجج.

كتمت الأريد احجيه وكعدت اغلي بداخلي اريد اصرخ اريد املخ روحي اريد احرك شكو واحد يمر كبالي اريد اهجم الدنيا على روسهم مثلماخربولي حياتي...

اجه ضيغم مبين ضايج تقرب من ماما وكال.

ضيغم : نطلع كملتوا .
ناهد : ماعدنا شي جنا منتظريك 

التفت علية عاكد حاجبه وكال.
ضيغم : يله شو كاعدة..
تقرب مد كفه حتى اكوم ، القاعة هدوء وبس اسمع دكات كلبي البطيئة .

مديت ايدي اخذها بيده وميشنا القاعة شبه فارغة اغلبية المعازين طلعوا وصلنا للسيارة صعدت جانت باردة مشغل التبريد حسيت برودة قوية سرت بجسمي التفت عليه وكال.

ضيغم : اطفية؟ بردتي؟

هزيت راسي ساكته..

مشى بالسيارة وجان التوتر سيد الموقف بينا قربي منه بنفس المكان ازعجني كلش دارت بينا كلمات تافهة وخجولة انتهت بمشادة كلامية درت وجهي للشباك ساكتة وهو ظل يتأفأف وصلنا لبيت عمي نزل وافتر للجهة مالتي فتح الباب وساعدني انزل توجهنا للبيت وطبكت سيارة كرار جانت وياه عمة ميساء وماما نزلوا دخلت قبلهم كعدت بالهول واجتي ماما وعمة كعدوا يمي يحجون وياية وانطوني قائمة من التوصيات منها..