دارت الدنيا لتدق طبول قلبي

البارت الثاني عشر

لا تنطي السنين رخاص
باليتعوض وفدوه
ينباع العمر بس..هااا
كون اليشتريه يسوه
_____________

باوعتله وضحكت..

ملاك : صعب الكاعد نسويه غلط.

هجان: انه و انتِ نعرف كلش زين زواجج مو حقيقي وشرعاً منفصلة بعد وين الغلط..

ملاك :اصبر انفصل عنه بالقانون حتى مايصير علينا حرام ..

ضحك وكال..
هجان : يابه انتِ مو مرته ليش تخبليني..

ملاك : عوفك مني وكعد نغم اريدها تساعدني..

هجان : اساعدج مره وحده اريد اكفر عن ذنبي وياج.

ملاك : ماعندك يمي اي ذنب  غفرتلك كل شي ارتاح يعني..

هز راسه مبتسم ولمعه عيونه ترسم لوحة من العشك الجنوبي ..

هجان : اريد ابري ذمتي ..

ضحكت وكلتله..

ملاك : مبري الذمه بس كعد نغم..

هجان : انتِ ذمتي ياملاكي..

ملاك : وراح اضل بركبتك طول العمر..

هجان  : واحله ذمه..

نزلت دموعي ورجف النفس بصدري ظلينا ساكتين بس نظراتنا تحجي عيونه تتبع دموعي من تنزل على خدي..

هجان : ماريد اشوفج تبجين الأ بيوم عرسنا من فرحتج طبعاً.

ضحكت هو هم ضحك...

هجان : يله كافي بجي و كومي اساعدج ..
حجاها واشرلي براسه بأتجاه الحمام..

ملاك : صعب شبيك ما اكدر اكوم .

هجان : لاتخافين ما اباوع اذا جنتي لابسه ملابس مو محتشمة..

حجاها وضحك..
ملاك : وانت شلون عرفت ؟؟

ضحك بصوت عالي كعدت نغم على صوت ضحكته ..

نغم : شلون ويه البلابل وغزلهم من الصبح ..

التفت عليها هجان ضحك وكاللها..

هجان : عود اشاركج بالتفاصيل البسيطه يله ديري وجهج للحايط ونامي اغطيج انتِ وعيونج؟

ضحكت نغم وعلقت على كلامه..

نغم : صاير ارعن صعوبي.

هجان: لاتغلطين تره اكوملج..

نغم : مممم الله يرحم ايام السطح خليني ساكته..

خزرها وخله اصبعها على حلكه وكال ..

هجان : اش اموتج اذا حجيتي..

باوعتلهم ثنينهم وهمست..

ملاك : شنو ضامين عليه اعترفوا احسنلكم..

نغم : صيري زينه واخابرج واحجيلج كل شي والله لا اضحكج على السوالف السواها صعب..

هجان : هسه صارت سوالفي تضحك مو جنتي تبجين دم ويايه.