دارت الدنيا لتدق طبول قلبي

البارت الثلاثون💚

تكبّر.. تكبرّ!
فمهما يكن من جفاك
ستبقى، بعيني و لحمي، ملاك
و تبقى، كما شاء لي حبنا أن أراك
نسيمك عنبر
و أرضك سكر
و إني أحبك.. أكثر

___________

التفتت عليه فاتحه عيني باوعلي ضحك..

ضيغم : كلشي ولا تفتحين عينج مال بقرات يله نروح..

رحت عليه وكفت كباله دنك راسه باوعلي ونظراته ذايبه ..

ضيغم : هاا بلشنا حرشه مو طلبت انه ليش رفضتي؟

لزمت خدوده بثنين اديه وكرصته من خدوده حيل..

ملاك : منو عيونها بقرات هاا شوف عيونك لعد..

ضحك وخر وجها على صفحه لزم ايدي بين كفوف ايده ورجع باوعلي ..

ضيغم : ليش هيج كرصتج تأذي..

ملاك : حتى بعد لاتحجي عليه..

ضيغم : عمي ما احجي بطلت .

ملاك : يله البس حتى نطلع..

ضيغم : اطلع هيج ماعندي شي.

ملاك: خاف تبرد.

ضيغم : متعلم عيني لاتخافين ما اتمرض.

حجاها وغمز..

ملاك : انت صاير كلش ..

قاطعني وكال.

ضيغم : ادبسز ادري ..

ملاك : ماكلت هيج..

ضيغم : مممم يله نروح حتى نرجع بسرعة..

ملاك : ما ارجع اريد اشوف الفجر يطلع يله..

ضيغم : شكالولج اكو جوامع هنا ..

ضحكت ..

ملاك : لا بس اريد اظل افتر.

ضيغم : حلوو اكلها ابو الضياغم ماخذلك محرك امريكي لا يتعب ولا يعطل.

ملاك : موزين..

ضيغم : اصلا كلش زين.

ملاك : كل حجيك مو راحة.

ضيغم : انتِ نيتج وتفكيرج سوء شسويلج.

ملاك : هسه نطلع لو شنو؟

ضيغم : نطلع بس عوفي العرك البصراوي نايم بشرفج لا تفززيه.

ضحكت ولبست الوشاح فوك ملابسي وطلعنا سد الباب واخذ خصري بين ايديه ومشينا ، الاضواء خافته وهدوء بس موسيقى هادئة بالرسبشن ، طلعنا والهوى يلاعب وجهي يجنن حسيته يدغدغني ، صرت استنشقه براحه وابتسم غمضت عيني وصرت احلم بحياه حلوة وهادئة بعيدة عن الهم والحزن العشتهم قبل ..

فتحت عيني لكيته يباوعلي بملامح ناصب عليه بيها ابتسمت وهزيت راسي..

ملاك : شكو خير ؟

ضيغم : الأدري بيه تمارين اليوغا يسووها هم وكاعدين شو انتِ واكفه وتسويها..

ملاك : متضحك ..