دارت الدنيا لتدق طبول قلبي

البارت الرابع عشر

ريحة ليل تندهني واسولف بيك.
واتوسد حلم ملكاك واغفى
بحسبة متانيك.
وافز محتاج لشلونك
تهت والعافية عيونك..

_______________

ملاك : خابري اريام..

ريا : ليش؟
ملاك : اريدها خابريها بسرعة..
ريا : ليش ترجفين على كيفج..

ملاك : ولج مصايب راح توكع على راسي تدمرت اني تدمرت هذا هو انتهيت والله..
احجي واضرب على رجلي جان اسمع صوت عمي يصيح من جوه..

طالب : وينها لج ملاك انزلي لا اصعد اكسرج ويننننج..

ملاك : صخام بوجهك صعب شنو سويت بينا ، ريا خابريه خلي يجي يحلها اني ما اكدرللهم وحدي..

ريا : بطرانه اذا اجه صعب راح تتأزم اكثر.

رجع عمي يصيح وصوته يقترب ..
ملاك : هذا صعد مو ؟
ريا : اي انزلي جوة يمهم احسن..

ملاك : ما انزل شسوي نازلة وشنو احجي وشنو ابرر شمدريني شنو واصللهم من ضيغم..

ريا : ضيغم مايسويها تره هاي سوالف عمي..

ملاك : ما اعرف دخت اني ياربي دخيلك استرني..

لهناك وفات عمو صاير نار..
طالب : تعالي لج شنو سالفتج هسه تحجيلي الاول والتالي..

مسحت دموعي وجسمي يرجف اريد احجي ما اكدر عاط بيه ولزمني من متني.

طالب : شنو الصار بينج وبين ضيغم ..

ملاك : مثل شنو يعني مافهمت.

طالب : بيوم الطلب منج يتمم زواجكم نزل وسألته شنو صار بينكم سكت ماجاوب كلتله بنت عمك ليش جانت رافضتك شنو السبب معيوبه سكت ماحجه ،،
فهميني ليش سكت وبنفس الاسبوع يطلكج وبيناتكم بدون علمنا لا ابوه لا امه لا اخوته ولا اهلج محد عنده علم ليش برأيج ..

ماما قاطعت كلامه وحجت بحديه.
ناهد : هذا اتهام مباشر لبنتي وما اسمحلك ابو ضيغم لهنا وكافي..

التفت على ماما وعاط بيها..
طالب : تفسيرج شنو لوضع بنتج اشهر ممتنعه عن ابني بعدها تنزل بكل عين وقحه تكول اسألوا جدو منو كص شعري ومنو صوب ابويه يعني شنو معناها تحب واحد ومانطيتوها اله او لكفتوها وياه ولزكتوها براس ابني ..

ناهد : واجه ابنك ستر عليها هيج شريف ويتقبل بنت عمه معيوبه احجي شي يصدكه العقل كافي عاد تهايم من اجيت لحد الان تحجي واكول اسكتي حقه كلبه محروك والصار مو حلو بحق ابنه بس مال تجي تشكك بشرف بنتي وبنص بيتي هاي ما مقبوله منك..

طالب : فسري الصار بنفس الاسبوع النطلب بيه يتمم زواجه يطلكها بالاتفاق بينهم وبعدها الولد يسافر وكلما نتصل بيه ونساله يابه شوكت تسحب مرتك طولت السالفة يكول بعد واجراءات تطول،
تالي خابرت ادهم كال ماتطول ست اشهر بالزايد تسعه واحنا تصورنا بعد عنده عراقيل بالمعاملة طلعوا متفقين على الطلاك وتجي بنتج ترفع قضيه عليه وهو مسافر مايدري وخلته بنص النار هناك لا يكدر يرجع ولا يكدر يضل تدرين بضيغم مانايم من سمع لحد الان حتى على اتصالاتنا كام مايرد بس اخوه يجاوبه كلمتين ويروح ...