دارت الدنيا لتدق طبول قلبي

البارت الثامن عشر

هم مثلي كلبك مانسه
وهم بعد من تمشي بدرب
تذكرني خطواتك بعد
تترك فراغ لخطوتي
لاتسكت ال لا بينت
بين اثرهه ابعبرتي
بس ردت انطيك اخر مابقه
او هو شبقه
مني خذت كلشي وبقت
دمعات ليك بذمتي...

___________________

ضيغم : احجيلج كل شي بس بالمقابل لازم انتِ هم تحجيلي.

ملاك : شنو احجي يعني؟

ضيغم : ما اعرف احس اكو مكانه خاصة بكلبج لشخص معين..

ملاك : ضيغم هواي لحيت بالموضوع وكل مرة اكولك ماعندي شي..

ضيغم : اكره الكذب وانه مو غبي ابد مو غبي خليها ابالج..

ملاك : يعني اذا ماعندي شي اكول عندي شي ولنفرض عندي وانتهى شنو راح تستفاد اذا حجيتلك..

صفن بوجهي بعدين كال..

ضيغم : راح اسايرج وافعالنا راح تبين صدق نوايانا ثنينا..

ملاك : يعني شنو؟

ضيغم : مو ضروري تعرفين المهم كملتي حتى احجيلج ولو تعبانين بس حاب احجيلج..

ملاك : تمام اشيل السفرة ونروح نحجي..

مد ايده اخذ كف ايدي سحبني ومشينا سويه للأستقبال كعدنا ، والفاصل البينا مسافة قليلة ...

ضيغم : زين سألتيني هسه جنت شايل هم شلون احجيلج ، ردت نطلع لمكان ونكعد نحجي بالتفصيل لان ما احب التأجيل بالمواضيع واعرف التأجيل ما يدوم وقت طويل اول وتالي ينكشف كل شي مو صحيح..

من حجه هيج حسيته بسمار اليه، هزيت راسي ساكته..

ركز بعيوني وحجه..

ضيغم : قبل لا اسافر اتفقنا على موضوع الانفصال حسب رغبتج انتِ وفعلا صار وانفصلنا ، بس كلتلج سالفة المحكمة ما اكدر اطلك لان ما اعرف الظروف شنو ظامتلنا وشفتي بعينج الصار وشلون احتاجيتيني اجيج مو صح.

ملاك : صحيح.

ضيغم : اول ما وصلت فكرت بالموضوع هواي وكلت امشي بالاجراءات حتى اسحبج اذا طرىء اي ظرف يستوجب اتدخل بيه ، وفعلاً مشيت بالاجراءات وكملت كل شي ، فكرت اذا صار الاتفاق ويه اهلنا وانفصلنا بالتراضي راح الغي المعاملة واذا لا اسحبج يمي وخليت شغله ابالي،

اذا اجيتي نتفق على الحياة الراح نعيشها و اذا كلش اشتدت الامور بينا وماكدرنا نستمر اخذلج شقة هنا واذا تحبين تشتغلين او تتعلمين لغة وتكملين دراسة وانه راح اكون داعم الج ،

تريدين نتمم الزواج هم براحتج كلت ما اجبرها على شي ، بس من رفعتي قضية عليه لغيت كل شي وكلت ما تستاهل ذرة من تفكيري بيها وعلى شنو انه مأجل موضوع ارتباطي ومنتظرها ..

ملاك : لحظة يعني انت من رجعت لهنا رجعت علاقتكم انت ونجوى ..

ضيغم : اي رجعت علاقتنا بس حجيتلها كل شي مثل ما كاعد هسه احجيلج، كلتلها بنت عمي ما اكدر افرط بيها اذا حبت تستمر ويايه براحتها حبت تنسحب هم براحتها ،
لان اول وتالي هذه بنت عمي ومن دمي ولحمي يعني هي اقرب اليه منج رغم انتِ احبج بس ما اكدر اشيل ايدي عنها ، الظاهر ماعجبها كلامي وانسحبت من العلاقة ،