دارت الدنيا لتدق طبول قلبي

البارت الثامن والعشرون

صعب
سأقدم اعتذاراً لقلبي
فقد اجهدتهُ نبضاً لمن لايستحق.

ملاك
حين تفتقدني لا تتعب نفسك بالبحث عني
فقط إسأل ضميرك ماذا فعل بي..

ضيغم
حضرة جنابك عود زعلان
عضيت اصبع وندمان اعتذر
التوبة ماضايك احساس الينكسر
ما تكاتلنا على كيفك يالعزيز
عازتك عن الهوى حدود الشبر
ومن كون بيه عيوب
فصلني تفصال
تكسر ظهرنا النوب زعلاتك ثكال
__________

ضيغم : بس اسمعيني دقيقة وحدة.

كمت اصرخ واضرب على رجلي..

ملاك : ماريد اسمعك ماريد اسكت اسكت صوتك مااسمعه اش اش ..

كمت ارجف وهو صافن عليه داخ ارتاج على الباب دنك لزم ركباته ثواني ورجع عدل وكفته رفع راسه باوعلي عيونه حمر ماعرف من الصخونة لو من الموقف..

حجه بصوت ضعيف ..

ضيغم : لاتكبريها وانطيني مجال افهمج.

ملاك : والله اذا ظليت تحجي اعوفك واطلع وماتدري وين اروح اخليك تدور عليه شلون اليوم..

اشرلي بأيديه يعني اهدأي بدون مايحجي انسحب راح للهول..

كعدت بالكاع اعصابي فايرة واحجي ويه نفسي واضحك ..

ملاك : متزوج ويتوددلي مسوي روحه يحبني وكاتل نفسه لك انت جباااان جبان..

عطت بعلو صوتي ، بعدها رجعت ابجي..

شنو من شعور اتعس من الموت نفسه تحس نفسك استغفلت وانضحك عليك وهنت وانهنت...

ظليت افكر شنو اسوي ارجع للعراق ، لا مو بمصلحتي هناك الدنيا عالكة ، ابقى هنا وادهم يساعدني لحد ما اوكف على رجلي ، اي هذا احسن حل ،

كمت لميت ملابسي الضروريات مال دوام وبيت واخذت كم شغلة خاصة خليتهن بالجنطة سديتها وكعدت اول ماصار الصبح طلعت من الغرفة رحت للحمام غسلت ورجعت للغرفة لكيته واكف كبال الجنطة ومخصر ايديه من حس بيه دخلت التفت عليه عاكد حاجبه تجاهلته وتوجهت للكنتور اخذت ملابسي لبستهن كدامه ردت احسسه انت مو رجال واستحي منك هو ظل باهت بمكانه جنت اشوفه شلون يراقبتي بالمرايا..

شال ايده دخلها بشعره بحركة تدل على خسارته وقلة حيلته .

جر نفس وكال..

ضيغم : بس فهميني وين رايحة..

لفيت شالي واخذت يدة الجنطة وسحبتها مشيت حتى اطلع صاح.

ضيغم : مو وياج وين رايحة ؟

ملاك : ما لك شغل بيه وين ما اروح اروح..

تركته ماعرفت شنو حجه ..

طلعت من الشقة وسديت الباب توجهت لشقة ادهم دكيت الباب اكثر من مرة فتحها شعره مهوس والوجه مورم عيونه داخله بنكره وتعبان بشكل..