دارت الدنيا لتدق طبول قلبي

البارت العاشر

ويأتي الليل ليحكي ماتخفيه قلوب البشر قلوب تنام واخرى يرهقها السهر
قلوب تبكي واخرى تشتكي
وكأن الليل يهوى استفزاز البشر ..
ايا ليل كم غصه وكم دمعه تخفي بطياتك كيف تحتمل هذا الانين أأنت من صخر؟؟
________

ملاك : شنو قصدك سألتك جاوبني .

هجان : صبر ياملاكي صبر ليش عصبيه؟

ملاك : ماعليك مني عصبيه مو عصبيه احجي شنو تقصد من كلت هذا التاريخ..

هجان : ليش استفزج التاريخ عندج ذكرى معينه تخص هذا اليوم وخافيتها عن الكل..

صرت عصبيه وكمت ارجف رفعت اصبع ايدي بوجها وحجيت بتهديد مكتوم،، بداخلي بركان من الغضب اذا انفجر يحرك الاول والتالي والخسران الوحيد من هذه الحرب اني وبعدين راح تعرفون سبب تصرفاتي واخفائي تفاصيل زواجي وطلاقي لصعب بهذه الفتره...

ملاك : شوف اي واحد يعرف اني انفصلت عن ضيغم احملك مسؤولية الراح يصير وبوكتها اذا رجعوا جبروني على ضيغم والله والله اظفر مني ما تشوف فاهم...

باوعلي ضيق عينه واختفت الابتسامه على وجهه وكل ملامحه تحولت لجد لعق شفته بلسانه بحركه سريعه وكال..

هجان : وانتِ ليش ضميتي عليه وخليتيني احترك بنار غيرتي عليج على الاقل بردي كلبي واحجيلي ليش هيج عاجبج اتعذب يعني..

ملاك : لان انت واحد متهور واني ما اكدر أأمن بيك منا لهنا احجيلك حجايه تروح بدافع العصبيه تحرك الاول والتالي والخسرانه الوحيده هي ملاك كل مره اني اخسر هاي المره اريد اتصرف بعقل  واحلها وحدي لا انت ولا غيرك يتدخلون بحياتي اني ارتبها مثل ما اريد..

هجان : حلووو وهاي من شوكت عندج حياة خاصه بيج وترتبيها وحدج بدون هجان..

ملاك : من يوم التخليت بيه عني وعفتهم يزوجوني لضيغم..

هجان : انه تخليت مو ؟؟

ملاك : اي انت جنت ملتهي الله اعلم ويه منو من حبيباتك وعفتني وينك من عقدت لحد ما تزوجت وين جنت؟

هجان : قبل العقد انه كل يوم اجي واسأل عليج..

قاطعته..
ملاك : اي اعرف جنت فوك ومانعيني انزل من انت تجي ...

هجان : بعد شكو اذا تدرين ليش تتهميني ؟

ملاك : ورة العقد لا شفتك ولا سمعت عنك خبر..

هجان : لان كل ما اجي يكولون انتِ بغداد اخابر يكلولي ماكو ما اجتي ارجع لهنا يكولون اصعد دور عليها اذا ماتصدك واصعد افتش البيت كله ما الكاج لهناك وطب تجيني رساله ملاك تزوجت شلون وليش وشوكت ما ادري وسمعتي بالصار..

ملاك : اي بهاي الفتره جنت بالمستشفى جنت اقاتل وحدي اريد احد يساعدني ماكو لحد ما نهارت صحتي واعصابي..