دارت الدنيا لتدق طبول قلبي

بارت الواحد والخمسون ( الأخير )

اسف كلبي المتعوب
مو كد خشمج العالي

يالمتمردة على الذوق
اول سمرة وتلالي

انه اعقل شخص مجنون
سهل وياج بس غالي

ودريت الجنة سمرة لون
من وجهج تدنالي

يشاهينه بقساوة عين
شراسة لبوة وكت الصيد

حنكة زاد من يغيب
خطر سرحان من تثور
تكدر تجرح خيالي

وانه وصفولي حور العين
بس مشكلتي احب الطين
ومن خيروني حب وأختار
اجه بس وجهج كبالي

هجان ملاك ضيغم

دارت الدنيا لتدق طبول قلبي.

_______________

سيلين : صدك اجه يا الله..

اخذت وتين ونزلت صارلي كم يوم هنا وماشفته ظل ويه فهد بالمستشفى ماكدر يعوفه ويرجع واني التهيت بأيفين جانت منهارة وبس تبجي حيل تأذت ، نزلت الدرج وافكر باللقاء الراح يكون بينهم ، شنو ردة فعله من يشوف وتينته ، وصلت اخر باية تفصلني عنه الباب  ردته ييجي واسلم عليه وحدنا صارلي اشهر ماشايفته ....

فتحت الباب باوعت ماكو سألت عليه كالو منتظركم بغرفة عمو يوسف ، ضحكت فكر بالفكرت بيه ، رحت للغرفة خليت ايدي على يدة الباب ودكات كلبي تضرب بصدري سريع ، لهفة واشتياق وحب فتحته وفتت جان كاعد على السرير ومدنك من شافني فتت ابتسم ملامحه المتعوبه تغيرت وكفلي واني مشيتله عينه تتنقل بيني وبين وتينه وصلت يمه مد ايديه وحضنا اثنينا باسني من راسي ورجع باس جزء جزء من وجهي ، نزلت عينه على شفتي ودنك على اذني همسلي.

ادهم : عند رؤيتي لشفتيك الراجفة تعود بي الى تلك اللحظات البدائية واراكِ خاوية سارحة نظراتك حانية تعود بي الى منتصف فراغي العاطفي بقبله لذيذة من فاهك البني تجعلني اغادر محيط الوعي واسافر الى شعور اللاوعي..

ملت براسي باوعتله بعيون ناعسة مانايمة صارلي ايام ، رجع ميل راسه بنفس الاتجاه الميلت راسي بيه ابتسم وكال...

ادهم : هي بدون شي عيونج موتتني وزايدها النعاس فوك نعاسها ارأفي بكلبي التعبان ياسيلينتي..

سيلين : حبيبي هاي بنتك نسيتها..

ضحك وكال ..

ادهم : شوفي بنتي وين بس انتِ مغيبة حبيبتي..

باوعت ماخذها مني وحاضنها واني حاضنته من بطنه وكاعد استمعله ، رجع حضني بتك ايد والأيد الثانية بيها وتين كال..

ادهم : بوسة الج بوسة الها وثنينكم حاضنكم بس انتِ جنتي ذايبة بيدي..

غمضت وخليت راسي على صدره همست..

سيلين : اسكت ادهم مشتاقتلك هواي ضعت بدونك بعد ممنوع تعوفني والله تأذيني اذا عدتها..

ادهم : ماراح تنعاد واعوفج الأ اذا الله اخذ عمري يعني شي مو بيدي..