دارت الدنيا لتدق طبول قلبي

البارت الرابع والأربعون

الفكرة من حبك شنو؟
لابي فرح لاشي حلو !!
غشيتني بكلمة دفو وطلعت احضانك باردة...

لاتنحزر
لاتنفهم
تجرح وماعندك علم
خليني اصحى من الحلم ليش الأذية الزايدة!!!

ايفين 💔
_________

سيلين : وانتِ صدكتي فهد يتخلى عن علي مستحيل..

ايفين : ما اعرف بس كلشي ويه فهد مامتوقع ..

سيلين : ننتظر ونشوف ، باعي ايفين ..

ايفين : باوعت ..

حجيتها وضحكت..

سيلين : لاتصنفين ولج قصدي اسمعي ، شلون نعرف ادهم حجه ويه هجان لو لا؟.

ايفين : ماكو داعي نعرف  الصوت واصل ليفوك هو وفهد بعدهم يتعاركون .

سيلين : يوو مو خوش سالفة..

ايفين : ابد مو خوش والله..

سيلين : راح اروح اسوي كم شغلة قبل لاييجي موعد العشا حتى انام من وقت .

ايفين : تمام اني هم اروح..

سيلين : سلميلي باي..

ايفين : الله وياج يوصل .

سديته منها ورحت نزلت جوه لكيت عمو ادهم كاعد بالهول وابوه يحجون عفتهم وطلعت للمطبخ باوعت من الشباك الصياح مستمر بين فهد وهجان اسمعه يتوسل بفهد يكوله..

هجان : فهد هاي مرتي وحامل بأبني لا تاخذهم مني وتعيد الصار وياك تره كلبي ما يتحمل تعب وقهر والمفروض انت اكثر واحد تكون حاسس بيه..

فهد : قصدك دين وراح يرجع هي الدنيا تدور.

صفن بوجهه وحجه بتعب مضيق عينه..

هجان: بعدك ماناسي وشايل علية بس لا تنسى احتمال تدور عليك هم..

فهد : تعرفني حقود وما انسى بس بنفس الوقت اختي هي مارايدتك.

هجان : رواية هم جانت مارايدتك بس انه سعيت حتى ارجعهم لحضنك لولا تصرفاتك الأخيرة الصارت وخلتني انكلب ضدك..

فهد : عوفني و روح لأدهم وباقي اهلي يساعدوك عليش الأ انه تريدني اصيرلك وسيط ..

هجان : عوف ادهم ماعليك بيه حاجيني اليه انت صاحبي وصديقي ساعدني.

فهد : فضحت اختي بنص الكل وماخجلت ولا استحيت ولا حسبت حساب للأخوة والصداقة التحجي عنها..

هجان : ما فضحتها زوجتي واحنا كبار وطالت السالفة يعني ظل بس الطبل واشهار للناس من باجر اسويها وبعدين وين المشكلة انعل ابو الناس لاتصعبوها عليه وخلوني استقر غلطت صح واعترفت بغلطتي وتحاسبت بس مو معناها تحرموني منهم...

فهد : لا فهد مثل صعب ولا يوسف مثل حقارة هاشم لا تخاف عندنا كلوب احنا..

هجان : وصل بسمارك ابو علي تسلم ..