DEREF |COMPLETED|

Thirty Seven

Jairus POV

"Good morning ho." Nahihiya kong sabi habang nagkakamot ng ulo.

"Come with us for a breakfast." Tuwang-tuwa yung tyan ko ng sabihin yun ni sir. Kakagatin ko na sana yung hotdog kaso...

"Mom, dad aalis napo 'ko." Naibaba ko 'yun at nakita kong humalik sya sa pisngi ng magulang nya at naglakad paalis.

"S-sige po sunod na 'ko sa kanya." Paalam ko at pipigilan pa sana nila 'ko pero naglakad na 'ko at sinundan sya.

"Sakay kana." Nahihiya kong sabi habang tinatapik-tapik yung upuuan nung motor pero hindi nya man lang ako binalingan o tinignan man lang. Nakagat ko yung ibabang labi ko ng may huminto na pamilyar na kotse sa harap namin at ngiting-ngiti syang sumakay dun.

"Dylan let's go." Magsasalita sana 'ko ng halikan ni Dylan yung likod nung palad nya pero nanatili na lang akong tahimik at sumunod sa kanila. Sumasakit ang ulo ko dahil sa nangyari kagabi. Nagkayayaan kase sila Jhared na mag-inuman syempre ayoko namang tanggihan yung alak este yung mga kengkoy na 'yun kaya ginabi na 'ko ng uwi tapos nakuha ko na din tong motor ko. Kruuu... Kruuu.. Rinig kong pagkulo ng tyan ko habang nakasunod sa kanila. Parang gusto kong ihinto yung motor ko ng may nadadaanan kaming mga kainan kaso ayoko naman syang iwanan.

Brianna POV

Habang nag-wa-warm-up ako dito sa loob ng gym nakatingin lang ako kay Jairus dahil mukang tutumba na sya at parang lantang-lanta. Napatingin sila Joree sa 'kin ng lapitan ko si Jairus.

"Anong kailangan mo?" Muntik na 'ko mapatalon sa gulat ng itanong nya sa 'kin yun. Gising pala sya? Nakaupo kase sya sa isang tabi habang nakapikit at nakacross-arm. Pero teka kung nakapikit sya pa-panong nalaman nyang nandito ako sa harap nya. Siguro may third eye sya. Weird.

"Here inumin mo 'to pampalakas." Abot ko sa kanya nung gatorade ko at tinignan nya naman yun. Nangangalay na 'ko kunin mo na!

"Di ako pwede nyan wala pang laman tyan ko. Bigay mo na lang kay Joree yan." Sabi nya at pumikit ulit. Tinignan ko sila Joree dahil alam kong narinig nila 'yun pero nagiwas lang sila ng tingin at pinagpatuloy ang kanilang ginagawa. Wait wala pang laman yung tyan ibig sabihin?

Naputol ang pag-i-isip ko at dahil sa pamilyar na muka akong nakita. Wait bakit na naman sya nandito? Negro... Na sobrang laki nung katawan... At nakakatakot yung ityura... Siguradong kapag sinapak nya ang kung sino malamang baldado at magiging kritikal pagdating sa ospital. Pasimple akong lumapit kila Caleb at hinawakan nya yung braso ko.

"Sya yung mayabang na may ari ng gym na 'to, siguradong gusto nyang magpapapawis." Mahinang bulong ni Dylan na sapat lang para marinig naming tatlo. Kinabahan ako ng pumasok sya sa boxing ring... Yeah may boxing ring dito sa gym at nakakatakot kapag pumasok na sya dyan... BAKIT?! Dahil magpapapawis.

"Kung sinong lalaban sa 'kin magiging libre ang pagpunta at magpabalik-balik dito sa gym." Nakarinig kami ng bulung-bulungan sa paligid dahil sa sinabi nya. Nung una nagulat din kami ng marinig syang magsalita ng tagalog na para bang sanay na sanay sya.