بَيِن يَديِك أنا

الجزء 19

"الشوق شعور غريب، يجعل الرجل يجلس بين الناس وقلبه معلقٌ بينَ اصابعِها "

بَيِن يَديِك انا
الكاتبة: فاطمة عبدعلي
///////
العمارة_بيت فاطمة_2:30 بالليل
#فاطمة
اعيوني مورمات من البجي وبيبي خابرتني وراها وحجتلي السالفه واني ساكتة ما اعرف شنو اسوي ما گلت لأمي بقيت ساكتة
من 12 بالليل تلفوني ما سكت وجبل يدك عليه واني ما اجاوب اشوف اسمه واشيل روحي وارگعها مستحيل شلون اكمل وياه ما اكدر
دخت حيل ورسايل كومه وصلتني بس ما قريت. مسحت دموعي ومددت
وراي دوام بعد ماكو جبل خل انساه كافي مذلة
تعبتت حيل واني اشوف اسمه وبعده يدك
فتحت الاتصال واجاني صوته
جبل: سمعيني فاطمة باعي اني وصلت العمارة واني افه..؟
: لا تجي
حجيت بصوت هادي عكس النار البداخلي
جبل: فاطم.؟
سديته وقفلت التلفون وشمرته ابعيد
اتغطيت واني احس التعب يتخلل جسمي
.
.
.
.
كعدت وامي تكعدني
: هاا يمه شصعدج الدرج
امي: ليش اعيونج هيج ليش مسويه بروحج هيج
نزلن ادموعي وحضنتني
امي: جبل جوه
رفعت راسي
: ما اريده يممه هذا جوابي واليوم نتطلك
امي: اهدي ترا جبل دمه يفور وكلساع يسال عليج وهو رايدج من صدك و..؟
: يممه لجهنم الحمره هو وحبه ما اكدر ما اكدر
باست راسي
امي: اخر كلام فاطمة
: ايي
سمعت خطواتها تبتعد واني گلبي يرجف وبلگوه گلتها وروحي جاي تنسحب مني
سمعت صوته وغطيت راسي ما اريد اسمع وما اريد اشوفه كافي تعبت منه
انسد الباب
: يممه هاي هيه ما اريده كتلج ما اري..؟
رفعت راسي وسكتت لمن جبل واگف بنص الغرفة يباوع عليه
: ما اريدك ما اريد اشوفك لا تجي والله اصرخ
اقترب واني ابجي واباوع عليه وعلى الهالات السود والشيب يلي طالع بلحيته وما محلق وشعره طولان

نزع قميصه
جبل: اششش بلا صوت فاطمة
حجه بصوت هادي وهو ينزع ساعته ومحابسه
: شنو اتريد اتسوي
جبل: انتي شنو تردين
باوع عليه
: نتطلك ما اريدك جبل ما
اقترب شوي شوي وسكتت
: اني مو بعازتك كتلك اني الحب شي ثانوي واكدر انساك شنو يعني وروح اتزوج بت الشوارع الحامل منك

ابتسم
جبل: تنسيني ... فاطمة انتي شجاي تحجين
كعد بالقرب مني
: هذا العندي اني ما جاي اطيقك بعد اروح اتزوج اي واحد فهد غ..
اندار وجهي وهو يضربني راجدي باوعت عليه
جبل: لا تذكرين سيرة هالسافل على السانج ولا تجيبين طاري طلاك وما اريدك حامل مني اتنزله شنو يعني

: نتطلك وخصباً عليك واتزوج فهد ولشوف منو يكول لا
كض شعري ورجع راسي ليورا
جبل: فاطمة اني اريدج واحبج بس هالتصرفات الطفولية مو حلوة بطليها عاد

نزلن ادموعي وهو يبوس خدي واني احاول ابعده
جبل: اني اديان لعابه افرغ بيها شهواتي وهيه اتعمدت اتصير حامل شمعنه هسه طول هالسنوات واني گايل الها اني ما اريدها ولا راح اتزوجها وبالمقابل ساعدت اهلها ورفعت عنهم الفقر وانطيتهم المقسوم غيره ماكو