بَيِن يَديِك أنا

الجزء 33

‏

كل القصائد في ذكراك ناقصةٌ
أنتِ الكميلةُ أخلاقاً وتصويرا

//////////

‏ ‏جبل: نزعت ملابسي بعصبية فاطمة وين ما هيه هنا بسيطة اياد اعلمك ما شفى غليلي ولا هاي احلام اذا ما اطيح حظها وا..؟

حسيت بأدين ع خصري التفت واني اشوف فاطمة واتلمست ايديها .. متوجعة احجي

فاطمة: ابتسمت .. لا حبيبي دامك يمي ما يبقى وجع

جبل: گضيت رگبتها واني انزل راسي ابوسها واجر عطرها داخلي وهيه تحضني .. حقج عليه من وراي ضربوج

فاطمة: غمضت اعيوني وهو يمرر لسانه واسنانه ع جلدي بس ابتعدت عنه .. لا مو من وراك اني اتعاركت الصبح وياهم وضربني اياد وهاي احلام هم من ضربتني لان گتلها اتبصبصين ع الزلم من جوه ليجوه

جبل: فتحت اعيوني بعيونها .. هاااا صدگ تحچين

فاطمة: ايي جبل

جبل: گضيت زندها .. انتي الواعية المثقفة هيج تحجين وتنزلين لمستواها فاااطمة شبييج

فاطمة: سكتت .. لعد شسوووي اذا تگلي هيه اني ام الزلم شنو اسكت وقابل هيه ما تباوع عليك شو ذبحت روحها گول لااا

جبل: عگدت حاجبي وتركتها .. گالت الج ام الزلم ؟

فاطمة: ايي والله واني من گتلها مو مثلج نبصبص عليهم هيه هجمت عليه ترا ما اسكتتت والصبح هم من دريت شسوو بيك وانت ولا تحجي ولا تسولفلي اسمع من الغربة وانت ساكت

جبل: ردت احجي هيه وخرت ولبست العبايه ورادت تطلع گضيتها .. وين

فاطمة: اروح يم نور وانت فكر براحتك بس.؟؟ .. جرني من ايدي لحضنه ويجر شفايفي دفعته بس رجع باسني بقوة لدرجة رجعت استندت ع المرايه اتألمت واني ايديه على صدره

جبل: عضيت شفتها وتأوهت واني امحي المسافة ايدي ع خصرها ادفعها اتجاهي تركتها وهيه تنتفس .. اسبح واجي خطوة برا الباب اكسر راسج

فاطمة: غنتبت وباوعت عليه وهو ابتعد راح اخ هو اكو واحد هيج يسوي راح يسبح واني عدلت حمرتي والطاولة ابقى ولا انتظره طفيت الاضويه وشغلت الفلم فلم رعب وكعدت اشرب عصير واتابع

مرت ربع ساعة وتلفونه يدگ گمت واتجهت اله باوعت رقم فتحت التلفون خل اسوي حظر طلعت الرقم بس اكو مكالمات هاي 7 دقايق هاي ربع ساعة

رجع اتصل الرقم ردت اجاوب بس جبل فتح الباب ودخل والمنشفة ع شعره ولابس بجاما وفانيلة تركته ورجعت للفلم عود اسئله

جبل: مددت وحطيت راسي بحضنها .. شتابعين

فاطمة: اخذت المنشفة انشف شعره .. رعب

جبل: اباوع عليها .. امبين الفلم يخبل

فاطمة: غير يموت شتحچي انته