بَيِن يَديِك أنا

الجزء 26

إن المفاتِن في عينيكِ مخمرةٌ
في نظرةِ منكِ يَغدو المرءُ سكرانا

.
.
.
.

||||||||||||||||||||||

زهراء: اريد اروح اشوف بيبي

حسين.. باوعت عليها واني هستوني راجع من الخفارة وهاي تزن براسي .. زهراء رحممممة للاسلام وخري مني لا اطلع حرگة امة محمد بيج

زهراء.. زمخ بوجهي وهو ينزع البدلة بنتر ويدخل للحمام لولا ابني جان رديت عليك بس اخاف عليه منك يا عديم الرحمة 

طول هاي المدة ما ضربني بعد ما درا بيه حامل يطلعني كل اسبوع واستغربت منه احس اتغير لمن صرت حامل

طلع من الحمام ولابس دشداشة باوع عليه واني اراقب كل تحركاته

حسين.. اتباوع عليه .. روحه لبيت ابوج ماكو

زهراء.. سكتت ادري بيه گبل مددت ع الچربايه

حسين.. طفيت الضوه واجيت يمها مددت .. اخذج بس غير مرة مو هسه

زهراء.. تمام على راحتك
باوعت عليه وهو اجه اتقرب اني خفت بس حسيت بشفايفه على خدي وابتعد

حسين.. راح انام لتخلين احد يزعجني للمغرب كعديني ما يصلح النوم

زهراء.. تمام ابو علي
باوع عليه وعلت وجهه ابتسامة عالية واجه اتقرب وحط ايده جوه راسي وحضني .. احساسي كله اهتز واني اشوفه فرحان من صدك

حسين.. صيحلي بعد كله ابو علي

زهراء.. ابتسمت وبست صدره لا شعورياً وعيت على روحي واحس الحرارة اتوغلت لوجهي واطرافي شسويت وهو يكهكة

حسين.. نايم اني نايم

زهراء.. مدري ليش ضحكت وغطيت راسي بحضنه وگلبي ما يوگف يدگ بسرعة وبداخلي شيء من الامان والطمأنينة واني جنبه

.
.
.

جبل: اباوع عليها جاي تسولف ويه تبارك .. فاطمة تعاي يمي كعدي

فاطمة: باوعت عليه .. لا مرتاحة أبويه انته

جبل: ابتسمت وهيه ولا ع عبالك وعمامها يضحكون ويتهامسون .. شلون بيكم

فاضل: مدلل مو ابويه

فاطمة: كاعدين ع صفحة وهمه بصفحة ثانية وجبل بالبداية اباوع عليه ياكل ويضحك وياهم .. تبارك اريد اسوي حفلة لجبل

الحجيه: علمود الترقية

فاطمة: ايي بيبي اهنا بالبيت واريد اعزم الكل عمامي ونسوانهم وزهراء ورجلها ما اريد نبقى ع خلاف

الحجيه: زين تسوين حبيبتي شوكت تسوينها

تبارك: الجمعة
فاطمة : الجمعة .. ضحكت اني وياها حجينا نفس الوقت .. بس بيبي اريد محد يدري اريدها مفاجأة اله