بَيِن يَديِك أنا

الجزء 22

-مَاذا اذا فِعلاً هي
بهدؤها مَكرٌ
وضحكتُها البريئة مَصيدة؟

//////////
#جبل
اخذت التلفون واني ابتعد عنها شوي واكوم من الفراش واغطيها زين
طلعت برا الغرفة ودك تلفوني

جبل: الو.... نعم ام اديان اتفضلي شرايده
ام اديان: جبل اني مثل امك الله يرحمها ... خلي اديان اتشوف بتها هيه غيرام..؟

جبل: الله بالخير عليج ام اديان اولاً انتو مشيتو قضاء ومحاكم لذالك اي حل وسط لا يوجد اخذتو فلوسكم انتهى الكلام لذالك انسوا اميرة من هسه احسن

ام اديان: جبل الله يخليك فلوسك ترج.؟
جبل: اشتريتو بيت وسيارة واخوانها فتحو محل واختها اتزوجت بلا فهميني شيرجعهن وشي ثاني اني ما انطي بتي حتى لو رجعتوهن وزيادة عليهن... لذالك انسي هلشي

ام اديان: جبل انته تعرف حالتنا اشكد ضعيفة بس انته شلتنا بخيرك بس اديان صارلها شهر بلگوه تح..؟

سديت التلفون واني احظر الرقم
: يلعن ابوكم على اليوم الشفتكم بيه اولاد الكلب
باوعت الساعة ب 4:30 العصر

ردت انزل بس سمعت صوت اميرة وهيه تبجي وفاطمة نايمه رجعت دخلت واني اشيلها من فراشها

باوعت لفاطمة وهيه تتحرك وتگعد من النوم وابتسمت لشعرها المنكوش
فاطمة: هاا حبيبي انطيني اياها انته تعبان
رفعت ايديها الي وهيه نص كاعده ونص نايمه

كعدت يمها وهيه تاخذ اميرة
: بعدج نعسانة بنيتي
هزت راسها وهيه تستند عليه
: ترجعين اتنامين ؟
فاطمة: لا ما اريد تحلمت حلم مو زين وجسمي متكسر

عكرت ملامحي وهالكوابيس ما تخلص
: استعيذي من الشيطان وصلي ع النبي وانشالله ماكو شي دام الله حامينا

فاطمة: انشالله... اميررة اخ

ضحكت بصوت عالي لمنظرهن رغم مزاجي متعكر
اميرة كامشة شعرها وفاطمة اتريد اتوخرها
: اميررة صبر صبرر
مرة مرتين ياله وخرت ايديها من شعر فاطمة
فاطمة: اخ يا ربي

: تعالي ابوسها ويروح الوجع
باوعت عليه صفح وخلت اميرة بحضني وگامت
فاطمة: البوس ما يوخر الوجع افلام الرعب هاي مالي خلكهن

ضحكت واني اباوع على اميرة
: شفتي اميرة هذا اليسوي خير

اجت يمي وتخصرت ورافعه حاجبها
فاطمة: اليوم نطلع ضايجه وخل نروح نزور بيبي وابوي مشتاقتلهم

ابتسمت الها
: صار بس بوسه رحمة لأهلج
ملامح الحدة بعدها وگلبت اعيونها وطلعت
: ما نطلللع
رجعت دخلت وهيه تضحك
فاطمة: هاي شبيك حبيبي يلا بوسه بوسه
ضحكت بقوة وهيه تشمر روحها عليه ومنا اميرة
وكعت على الجربايه وتطبع بوسه خفيفة وتروح