بَيِن يَديِك أنا

الجزء 37

انتَ الذي اهدَيتني حُريتي
وهويتي وجعلتَ مني سيدا
واعدتَ لي فَرحي وسِحر طفولتي
من دونِ ان تدري ولا ان تَـقصدا
انتَ الذي لولاكَ عشت بلا غدٍ
وبقيتُ بالامسِ البعيدِ مُقيدا..

//////////

نور : كلها طلعت وكعدت وجبل يروح منا ومنا يتصل عليها ما ترد .. رح تصير كارثة

نرجس: ايي والله رح يموتنا هذا هسه فاطمة وين راحت والساعة ب ١٢ بالليل

جبل ضل يفتر منا ويجي منا والچگارة بيده وتلفونه منا يدك عليها تالي حجه ويه زين :-

-زين روح شوف الكاميرات مالت بيت ابو حاكم

-ليل جبل الناس نايمه ص..؟

صاح جبل بصوت عالي :- نوومة اهل الكهههف لا تخليني اروح افلش بابهم واشوف بنفسي گتلك روح

الجو توتر وزكي ما سكت كال :-

-لا تضل تصيح احنا مو ندور ويااك انتو شنو تعاركتو

شمر كطف الچگارة بالگاع  اتقرب لزكي بعصبية بس الجدة صارت گدامه وحجت

-هاا تريد تتعارك وذب حرگتك بالولد خل يجي الصبح ونشوف مرتك البرعة وين طلعت بهالليل

- اني انتظرر للصبح ؟؟ لا هسه الگاهاا

-وين تلگاها شوفها وين راحت گتلك انته مرخي الحبل ومدللها هذا عمل ايدك

- كاافي

سكت جبل واجه زين

-ماكو جبل محد طالع معناه هيه هنا دورتو بالبيت

نور: ايي خويه حتى السطح دورناه

زين: شفتو البيت القديم

طلع يركض خطيه واحنه وراه فتح الباب الورا ومباشرة يشوف فاطمة جايه من البستان ومشغلة الضوه مالت التلفون

شافته وخافت ورادت ترجع الا جبل ركض وراها وگضها من زندها ما نسمع بس صوته الخشن يمكن المنطقة كلها سمعت

- شسوووين بالصخااام البيت ما فكرتي بيه انتي ما تفكررررين وهذا التلفون دجيبي

اخذ التلفون منها ورگعه بالگاع صار جزئين وجرها للبيت اشرت لامي تحجي

- ابني جبل عوفها يمي الليلة خلها ترتاح شوف وجها اصفر لا اكلت لا شربت

انقهرت عليها ووجهها شاحب واعيونها مورمات يمكن هاي الساعات كلها هيه تبجي اتقربت وكضيت ايدها

- عوفها يمي جبل خطيه اكيد اكو سبب هيه سوت هيج فاطمة احجي ليش سو..؟

نزلت ادموعها ووخرت ايده وهيه تباوع بوجهه وحجت بصوت مبحوح

- منو هاي الدزت الك هدية ذاك اليوم هيه نفسها التروحلها اليوم لو جديدة

الكل بقا ساكت حتى جبل يباوع بوجهها اختل توازنها ووگعت واني كوه سندتها وجبل شالها وهيه فقدت الوعي ومنا حامل الله يستر