إزعل .. وانتبهلي شلون اغص بالناس
بس راضــيني گبل بــرودة المــغرب ..
بَيِن يَديِك انا
الكاتبة: فاطمة عبدعلي
///////
#جبل
مر يوم واحد لكن حالتها راحت للاسوء
سبحتها وغيرت ملابسها وعدها ضيق بالتنفس وتگح
نامت مباشرة بعد ما انطيتها فيتامينات سي وغيره وغطيتها
مدة قليلة وهيه حرارتها ترتفع
باوعت عليها واني اغير الكمادة عن راسها
استغفرالله يا رب شافي ابنيتي وحبيبتي ما عندي غيرها
رجع انتباهي الها وهيه تغير وضعية نومها
اتنهدت واني ما نايم وتعبان بس ما يجيني نوم وهيه بهالحالة
نزعت القميص والبنطلون
والعصير الطبيعي خليته بالثلاجة وياه فاكهه وحلويات خاف تجوع واني نايم
مددت يمها وجريتها الي واحضنها واغطيها زين
بس هيه گابه نار. استغفرالله ما اكدر انام
لبست ملابسي وخذت السويج واني اطلع من الغرفة
ربع ساعة بالاكثر واني ارجع جبت فوار يقلل الحرارة وكبسول التهابات على مسكن وشراب للسعال وقطرات للانف شكو شي كدامي جبته
هرولت واني اصعد ادخل للغرفة
دخلت للغرفة بس فاطمة مو بالفراش
جبل: فاطمة....
صحت عليها وهيه طلعت من الحمام ومستندة على الباب
جبل: شنو اشبيج
سندتها
: لعبانه نفسي عبالي أتقيء بس ماكو
جبل: مددي اهنا
انطيتها العلاج ومددت
: تعال حبيبي انته هم ما نايم
نزعت ملابسي واني ما اصدك ارتمي بحضنها اريد ارتاح وانام يمها
ابتسمت واني اتمدد بسرعة واحضنها الي
جبل: يله فطيم انتي طيبي بسرعة خل انشوف شغلنا
: هههههه
جبل: اهم شي انتي حبيبتي وهلضحكة هاي
بستها من راسها واغطيها واني مباشرة نمت
.
.
.
.
بعد مرور ثلاثة ايام
#فاطمة
: هههههه جبل شبعت ياااا
جبل: ديلا اخر لگمة يلا عاد
ابتسمت وهو يوكلني والمباعين فرغت
انطاني علاجي وهو هم يشرب وياي فيتامينات
:جبل مشتهية اشم ريحة صابون
ابتسم
جبل: ولج شعندج ويه الصابون هليومين شو اهواي تشتهين
باوعت عليه ساكتة وتفكيري راح ابعيد
:معقولة اني حامل؟
ابتسم جبل
جبل: ليش لا
ضحكت
: لا مستحيل سويناها بس مرتين بس شدخل عادي اكو بنات من اول ليلة يحبلن ايي يمكن حامل بس لا شسالفه فاطمة
جبل ضحك
جبل: تحجين وياي لو ويه روحج
: ما ادري يلا اريد انام ما افكر ايي احسن
جبل: لازم اتلعبين شوي رياضة قبل النوم
عدلت الفراش واني اباوع عليه
: رياضة شنو
ابتسم وغمزلي واني اشمر عليه المخدة
: والله العظيم انته ماتستحي
جبل: شلون صرتي
: لا زينه وانته اكيد انصابيت شلونك
جبل: بس تعبان واريد انام
هزيت راسي
واني امدد
جبل: نزعي ملابسج
درت وجهي وباوعت عليه
: خير جبل اشبيك
جبل: غير انام بس انتي نزعي ملابسج شعندج لابستهم
اتنهدت وهاي العادة ما يبطلها
: تعال نزعني ما بيه حيل
رضخت للامر الواقع وهو ينزعني الدشداشة ويرجع يمدد
جبل: تعالي ملابسج الداخ.؟
: جبببل نااام لا تتأمر
ضحك واني اغمض اعيوني وهو حضني من ورا
أنت تقرأ
بَيِن يَديِك أنا
General Fictionقصة لأختطاف فتاة تساعد المتظاهرين لمدة شهر كامل فماذا سيحدث لها وهل ستعود ام تقتل ؟ هل تقع في حب رجل خاطئ ام الموت المحتم لها يبعدها عنه؟
