بَيِن يَديِك أنا

الجزء 38

ما زلتُ من خوفي عليكِ أخافُني
‏وأخافُ أن يقسو عليكِ حناني
‏عيناكِ يا قمري إعتذارات السما
‏عن كل ما عانيتُ أو سأُعاني.

//////////

جبل ..
كملت لبس جينز وقميص وعطر ماكو ضال على ريحة الصابون يلي تحبها اباوع فاطمة جاي تلبس كعدت وبقيت اباوع عليها وهيه ضحكت وصوت ضحكتها نغمة

- وين راح نروح جبل

- لأي مكان

- يلا خلصت اني

باوعت عليها رفعت حاجبي الها :- والعبايه وين

- يا عبايه

- شنو ناويه اطلعين هيج ؟؟

- جبل حباب شوفه شعرضه السويتر والجينز بويفريند

- فااطمة لا تخبليني غيريهن لو تلبسين عبايه

باوعت عليه صفح وراحت للكنتور رحت وراها قربتها الي واني اختار بينهن :- هاي حلوة

- جبل هذا بشت

- عجبني حيل طويل وعريض لا حلو حلو

- دجيب جيب

جريتها لصدري واني اشم خدها :- شو ما عاجبج

ضحكت ودفعتني وراحت تغير واني كعدت اباوع عليها اجاني اتصال وطلعت برا الغرفة مشيت لنهاية الطابق وجاوبت

- الو

؟؟ - الو حبيبي شلونك

- تمام احلام وانتي

احلام :- من سمعت صوتك ارتاحيت اليوم مو تغلس تجيني ؟

- ايي ان شاء الله اجي

- لعد اكوم اتحضرلك حبيبي واطلع اشتري كم شغلة و..؟

- ايي طلعي اني بالشغل هسه بعدين نحجي

سديته منها ولعبانه نفسي كله من ورا عبد اني شجاني ووافقت بس يلا حتى اقبض عليها مو هينة هاي اتصدر بنات برا وللدواعش دعارة بكل مكان بت الكلب

- جبل

درت وجهي الها :- ها حبيبي

- شبيك مكابل الحايط يلا خلصت اني

باوعت عليها من فوك لجوه ولابسه كعب هيه ورجليها بيض وطلعت احلى من قبل :- يعني فهميني شلبسج نقاب ؟

- جبل تمشي لا اسويك نقاب

ضحكت واني اجرها الي ونمشي :- كون هيج نمشي

- يمعود يا هيج خنگتني هههههه الحجاااب جبل

نزلنا واني طلعت شغلت السيارة والتبريد مع انو الجو حلو بس يحتاج تبريد شوي وفاطمة اجت ورايه 
باوعت منا اولاد احمد وشفت زكي يباوع عفيه هذا ما يتوب : يلاااا يا غزال امشي بسرعة