بَيِن يَديِك أنا

الجزء 17

إذا ما النّبيذُ الفرنسيُّ،
ألْغَى الوُجُوهَ ،
وألْغَى الخُطُوطَ،
وألْغَى الزّوايا.
ولم يَبْقَ بين النّساءِ سواكِ.
ولم يَبْقَ بين الرّجال سوايا.
وما عدتُ أعرفُ أين تكونُ يَدَاكِ ..
وأينَ تكونُ يدايا..
وما عدتُ أعرفُ كيف أُفرِّقُ بين النّبيذِ، وبين دِمَايا..
وما عدتُ أعرفُ كيف أُميِّز بين كلام يديْكِ وبين كلام المرايا

بَيِن يَديِك أنا
الكاتبة: فاطمة عبدعلي
/////////////////////
بيت جبل _ ساعة ٤:٥٥ فجراً
#فاطمة
سمعت صوت السيارة وخرخشة المفاتيح واني كاعده اعيوني مورمات من البچي واني اشوف جبل يدخل للبيت
سد الباب على كيف ومشى خطوات حتى يدخل ما منتبه عليه
: بعد وكت
باوع عليه ورفع شعره فوك
جبل: حبيبتي ليش كاعده لي..؟
: وين جنت
عكد حواجبه وهو يقترب
جبل: هذا يلي خلاج ما تنامين
: احجي وين جنتت
جبل: يم عبد
: وتلفونك منو جاوب عليه
جبل: يا تلفون شص..؟
: لا تغشمني هاك شوف دقيقة كاملة جاوبتني ابنيه اتكول هيه زوجتك واني ابأذني سمعت صوتك احجي تره تعبانه والله

اتنهد وهو يشوف تلفونه
جبل: مكالمات ماكو اصلاً
: ايي مو بت الشوارع الجنت يمها ماسحتهن يمكن هاك شوف شوف فوك ٩٠ اتصال وانته ولا على بالك

ارتقى صوت التمجيد بالجو واني اباوع عليه
جبل: سمعي فاطمة كعدي بالاول
: ما اريد احجي يله

باوعت عليه طلع ويه ابوي مرتب ليش ملابسه هيج مخربطات وشعره مخربط
جبل: فاطمة اني اشكد عمري
: شددخل
جبل: نصي صوتج وجاوبيني
: راح تدخل ٣٦
جبل: اني الكلام يلي راح اگوله ما متندم عليه ولا غلطان بشي وما مسوي حرام

انرعبت من نبرة صوته وگلبي يدك بسرعة وريگي نشف
جبل: اني بفترة جنت محتاج اسوي علاقة جسدية اتفقت ويه ابنية عدهم مشكلة مادية لحد الان واتزوجنا متعة

وگعن ادموعي واحاول استوعب يلي جاي يگوله مستحيل

جبل: فاطمة اني مو اصغير واكيد عندي رغبة لهذا الموضوع لذالك اتزوجت هاي الابنيه متعة وتره طلگتها وما وصلت يمها اتصلت عليه لان عدهم مشكلة وبقيت اهناك

يحجي بهدوء وبرود واني صافنه عليه راد يكض ايدي ابتعدت
: لا توصلني
جبل: فاطمة اني ما ردت اچذب عليج وهالموضوع قفلته وسديته لمن اتعرفت عليج وطلگتها بعد اشبيج
: انته اشبيك شنو زواج شنو مو حرام اني ميهمني هذا كله. يهمني انته جنت ويه غيري ولمن اني اهنا مثل الحمارة ابجي وافكر بيك هذيج بت الشوارع اتجاوبني اني زوجته

ابتعدت لمن اقترب مني
: وخر ما اريدك ما اريد اشوفك حتى
ابتعدت عنه بس كض ايدي بقوة
جبل: فاطمة لا تكبريين الموضوع كتلج خلص انسد وب ٧ نروح نعقد محكمة وغصبن عليج
: هذا الحجي يفيدك والله لا عقد لا خرا ولشوف شلون تاخذني غصب