بَيِن يَديِك أنا

الجزء 16

رسائلُ الشّوقِ عندي لوْ بعثتُ بها إليكمُ لم تسعها الطّرقُ والسّبلُ
أُمسِي وَأُصبحُ وَالأشواقُ تَلعبُ بي كأنّما أنا منها شاربٌ ثملُ
وكمْ أصبرهُ عنكمْ وأعذلهُ وليسَ ينفعُ عندَ العاشقِ العذلُ
إنّ المليحة َ تغنيها ملاحتها لا سِيّما وَعَليها الحَلْيُ وَالحُلَلُ

ايجوز لي عمراً معك
الكاتبة: فاطمة عبد علي
/////////////////////
دخلت للبيت وهو ينزل الجنط
شكله ضايج حيل هسه شسوي
انقطع تفكيري
جبل: خابري ام علي خل يجون اهنا
باوعت عليه
: جبل لا تضوج
جبل: ما ضايج
اقترب الي وحضني
: اني يمك جبل اني كل اهلك لا تقهر روحك
جبل: انتي يمي وهذا يكفيني وهسه خابريها لو اخابرها اني

: اني خايفه من ردة فعلها خابرها انته
ابتسم ودخل جوه
ضايج اهوايه شلون ما يضوج وهمه اهله استغفرالله
خابر امي ودلاهم البيت وبقه يحجي وياها واني انظف المطبخ البيت بيه شوي تراب
: جبل جوعانه
جبل: وصيت صينية باگله بالدهن على ما يوصلون
ضحكت
: عفيه هالباگله (الباقلاء)والدهن انترسنه غازات

ضحكنا اثنينا وهو يرفع ايده الي واجي واحضنه
رجع ليورا لان شوي ثگيلة
جبل: ولج شنهاي
ابتعدت وگمت بس رجعني وكعدني بحضنه
:وخر اريد انظف
جبل: تعاي خل انام تره نعسان
: نام حبيبي واني انظف
جبل: سوه انام
ابتسمت
: والبيت
جبل: اجيبلج خدامه عمي بس امشي للغرفة يله

ابتسمنا واني وهو نروح للغرفة
شغلنا السبلت ونزع التيشرت والفانيلة ومدد وخرت الشال عن رگبتي وطفيت الضوه
مددت يمه وتلفوني يمي خليته
مد ايده ونمت عليها وحضني ونام
.
.
.
.
٩:١٥
اندك الجرس وفزيت
جبل نايم واني گبل گمت بهدوء
خذت شالي حول رگبتي وطلعت
بوست امي واخوي ومرته وحسوني ابنه ابو خدوود واختي شهد

امي: جا وين جبل
: مدد بالغرفة تعاي دخلي يمه
امي فررحت حيل بالبيت من گد ما چبير وحلو بس يرادله تعديلات بالاثاث والديكور
دخلو ووراهم ابو التوصيل التوقيت المناسب
علي اخذ منه الاكل ودفع فلوس واني سويت چاي على النار
سمعت صوت جبل وهو يسلم وابتسمت واني اشوفه يبوس راس امي
ضلو يحجون عن البيت وترميمه وكذا

: هذا الاكل يله كافي سوالف تره جوعانه
امي: الله يسلمك حبيبي ما تقصر
جبل: بالعافية هذا واجبي بعد. فاطمة وين الچاي
: جاي يتهدر على النار اصبلك هسه
جبل: ايي يا ريت مصدع
.
.
.
.
ضليت انظف وجبل اقنع امي تبقى اهنا لان على گولته هذا بيت فاطمة وانتو اصاحب البيت شكد يفرحني من هيج يحجي وينفذ كلامه
وما قبل امي تروح فندق وگال
جبل: والله ازعل عليج ام علي غير بيت فاطمة هذا وبيتكم واذا اتحبين اني اطلع وانتو ابقو واخذو راحتكم