بَيِن يَديِك أنا

الجزء 28

"لا أوحش الله عيني من ملامحِهِ
‏ هل يأنسُ الليل محرومًا من القمر؟"
.

.

.

.

.
/////////////

جبل
وصلنا بسلامة وحضني زين وفاطمة وصلتها جوه وطلعت حضني عمي
ابو اياد : هلا وليدي الحمدالله على السلامة

جبل: الله يسلمك .. هلا اياد حبيبي

اياد: نورت بيتك بعد غياب يالغالي

جبل: نورك حبيبي الله يعزك.. اتقربوا عمامي وهمه تسعة وابوي الله يرحمه عاشرهم

كاظم: الحمدالله على السلامة ابني

جبل: اتقرب الي وحضني .. الله يسلمك يالطيب
اجه عمي احمد وعلي وعمار حضنوني وكذالك سلمنا وبقا عمي الچبير بعد ابوي قاسم والثاني الورا صخي شلون راس يابس واثنين من عمامي ما جايين اصلاً عود شغل وخفارة

احمد : روح سلم على عمامك جبل
كاظم: ايي بويه روحلهم

علي: جبل السالفة انتهت وروح اكسر الشر

جبل: باوعت عليهم واتنهدت .. كلامكم على العين والراس وهالرايح اتچفى شرهم

كاظم: ابني شريش انته هذول عمامك

جبل: باوعت عليه هذا .. على العين والراس وهمه ما شاء الله عليهم 22 سنة وبعدهم نفس الشي

ابو اياد : ردت احجي بس راح الهم وجبل متغير وكبران غير عن ذاك ابو 15 سنة وادموعه بعينه .. روحو وياه لا اتركوه

جبل: وصلت يمهم .. السلام عليكم ورحمه الله

قاسم وصخي: وعليكم السلام ورحمة الله

جبل: باوعت عليهم 22 سنة وبعدهم نفس الشي اليگول شفتهم البارحة .. شخباركم شلونها الدنيا وياكم خو ما غرتكم

زين: ابتسمت ودنگت

زكي : والله هالجبل راح يشفي غليلي بيهم

اسامة: ابتسمت .. باع البسمار يگوله ما غرتكم ههههه

اياد: زين سيطر عليه لا يسوي مشكلة

زين: شنو جبل صغير زلمة وشاربه لچدمه اسكتوا وبلا صوووت خل اسمع

قاسم: لا الحمدالله والدنيا ماشية بفضل الله ما سوينا الحرام ولا وصلنا دربه